ကိုသိုလ်တွေယူလိုက်ရအောင်

နွေနေကတော်တော်ပူသည်။ ဘယ်လောက်ပူလဲဆိုရင် အပြင်ထွက်ရင်မီးစနဲ့အသားကိုထိုးထားသလိုပူတာပါ။ ငယ်ငယ်တုန်းကအဖွားပြောဖူးတဲ့ နေဆယ်စင်းများထွက်နေတာလားလို့စဉ်းစားမိတယ်။ အရိပ်ထဲမှာနေတာတောင်နည်းနည်းလှုပ်တာနဲ့ချွေးကပြိုက်ခနဲပါ။ အလုပ်သမားတွေကတော့ နွေနေပူပူမှာအားစိုက်ပြီးဝမ်းရေးအတွက်လုပ်နေကြသည်။ သူတို့ကိုကြည့်ပြီး သနားမိသည်။ ကံဆိုတာကြီးက လုပ်လိုက်တာဖြစ်သည်။ အဖေနဲ့အမေကိုကျေးဇူးတွေတင်နေမိသည်။ မိဘတွေကမိမိတို့အပေါ်မှာ အမွေတွေပေးခဲ့လို့သာခုလိုနေရတာဖြစ်သည်။ အမွေဆိုတာက ငွေကြေးမဟုတ်ပါ။ ပညာအမွေပေးခဲ့ခြင်းဖြစ်သည်။ ပညာအမွေဆိုလို့ ကျွန်တော်က ရုံးဝန်ထမ်းလည်းမဟုတ်ပါ။ ကုမ္ပဏီဝန်ထမ်းလည်းမဟုတ်ပါ။ အပြင်မှာစီးပွားရေးလုပ်ငန်းသေးသေးတစ်ခုကိုဦးဆောင်လုပ်နေသောသူဖြစ်သည်။ မိဘကပညာတွေသင်ထားလို့သာခုလိုဦးဆောင်သူတစ်ယောက်ဖြစ်နေတာပါ။ မိဘကျေးဇူး ကကြီးမားလှပါသည်။ ငယ်ငယ်တုန်းက အမေခဏခဏပြောသည်။ သားတို့တစ်တွေစာကြိုးစားကြတဲ့။ အမေတို့က မင်းတို့ကိုငွေတွေပေးပြီး မထားခဲ့နိုင်ဘူးတဲ့။ ပညာအမွေပဲပေးနိုင်မယ်လို့ပြောသည်။ အမေကရှစ်တန်းပဲအောင်တယ်။ အဖေက (High school final) ဟိုတုန်းက ကိုးတန်းအောင်ပေါ့။ ဒါပေမဲ့အဖေကကြိုးစားတော့ ဋ္ဌာနတစ်ခုမှာ အကြီးအကဲတစ်ယောက်ဖြစ်လာသည်။ အဖေကလည်းပညာတတ်ပဲဖြစ်စေချင်သည်။ နွေနေပူကို ကျွန်တော်တို့တစ်တွေအံတုရမှာပေါ့။ ကမ္ဘာကြီးကလည်းပူနွေးလာတယ်ဆိုတဲ့ကြားထဲ ခုနှစ်က မြန်မာနိုင်ငံမှာ ခရမ်းလွန်ရောင်ခြည်အဆင့်က ၁၂ကျော်တယ်လို့သိရသည်။ ခက်နေတာက ခရမ်းလွန်ရောင်ခြည် လွန်ကဲတာကို သိတဲ့သူက နည်းနေသည်။ ကျွန်တော်တို့ မြို့ငယ်လေးမှာ ခရမ်းလွန်ရောင်ခြည်လွန်ကဲလာတာကိုသိတဲ့သူက တစ်ရာမှာ နှစ်ဆယ်လောက်ပဲရှိသည်။ ကျန်တဲ့ ရှစ်ဆယ်က မသိဘူး။ ဘာဖြစ်လို့လဲဆိုတော့ ကျွန်တော်တို့တော်တော်များများက ရုပ်မြင်သံကြားသတင်းမကြည့်ကြဘူးလေ။ (၇)နာရီကားလာရင်ကြည့်သည်။ ရှစ်နာရီသတင်းလာရင်ပိတ်သည်။ အားလုံးတိုင်ပင်မထားပါ။ ဒီအတိုင်းလုပ်လာတာတော်တော်ကြာနေပြီ။ ထားပါတော့ဗျာ။ မီဒီယာခေတ်ကိုရောက်နေတဲ့ကမ္ဘာမှာ ကျွန်တော်တို့လူမျိုးတွေက ဖျော်ဖြေရေးဖက်ကိုအားသန်နေတယ်။ ကျွန်တော်ဖတ်ဖူးတဲ့စာထဲမှာ အမေရိကန်က ချမ်းသာတဲ့သူတွေက သူတို့ရဲ့အားလပ်ချိန်တွေကို စာဖတ်ပြီးအနားယူသည်။ မချမ်းသာသူများကတော့ ရုပ်ရှင် ဗွီဒီယိုတို့ကိုသာကြည့်ပြီးအချိန်ဖြုန်းတယ်လို့ရေးထားပါသည်။ ကျွန်တော်တို့လူမျိုးတော်တော်များများကတော့ ဖျော်ဖြေရေးတွေကိုသာအာရုံစိုက်နေတုန်းရှိပါသေးသည်။ အဲဒါတွေကိုပြုပြင်ဖို့လိုနေပါသေးသည်။ နွေမှာအရမ်းပူနေတာဘာကြောင့်လဲစဉ်းစားမိသည်။ စာတွေထဲမှာဖတ်ဖူးသည်။ သစ်ပင်သစ်တောတွေပြုန်းတီးလာလို့၊ စက်ရုံအလုပ်ရုံတွေက ထုတ်တဲ့ကာဗွန်ဒိုင်အောက်ဆိုက်တွေများလာလို့၊ အဲယားကွန်းကထွက်တဲ့အပူငွေ့တွေကြောင့်လို့ သိရသည်။ ဒါဆိုရင်ဘယ်လိုလုပ်မလဲ။ တရုပ်နိုင်ငံမြို့တော် ပေးကျင်းမှာမီးခိုးငွေ့တွေဝေမှိုင်းနေသည်။ အသက်ရှုကြပ်လို့တစ်နှစ်တစ်နှစ်ကို သေတဲ့လူတွေများလာသည်။ ကျွန်တော်တို့ကတရုပ်နဲ့အိမ်နီးချင်းနိုင်ငံဖြစ်သည်။ တရုပ်နိုင်ငံမှာဖြစ်နေတာ ကျွန်တော်တို့နိုင်ငံအပေါ်ကိုလည်း သက်ရောက်မှုရှိနေမှာပါ။ စာရေးဆရာတစ်ယောက်ကပြောဖူးသည်။ ကောင်းကင်ပြာပြာကြီးကိုပိုင်ဆိုင်တာ ကျွန်တော်တို့တစ်နိုင်ငံပဲရှိတယ်လို့ပြောသည်။ အိမ်နီးနားချင်းဖြစ်တဲ့ထိုင်းနိုင်ငံကလည်း စက်မှုထွန်းကားတဲ့နိုင်ငံဖြစ်သည်။ ကြောက်စရာကောင်းလှသည်။ ကျွန်တော်တို့နိုင်ငံလည်း နောင်မကြာခင်မှာ အဲဒီနိုင်ငံတွေလိုဖြစ်တော့မည်။ ကျွန်တော့်အသက်ကလေးဆယ်ကျော်လာပြီ။ သုံးပုံနှစ်ပုံရှိနေပြီ။ ဘာလုပ်ပေးနိုင်မလဲ။  လုပ်ပေးနိုင်တာတစ်ခုကတော့သစ်ပင်များများစိုက်ပေးမယ်။ တစ်ယောက်ထဲနဲ့သစ်ပင် တွေကိုကျွန်တော်မသေမချင်း စိုက်မယ်။ ခုတ်တဲ့လူတွေကလည်း ရပ်ထားမယ်။ ကျွန်တော်တို့ဒေသမှာ ကျွန်းပင်စိုက်တဲ့ ကုမ္ပဏီရှိသည်။ သူတို့ကစိုက်ပြီး ရောင်းလို့ရတဲ့အချိန်ကျရင်ရောင်းပေါ့။ ကျန်တဲ့သူတွေက သစ်ပင်တွေရှင်သန်အောင်ကြီးထွားအောင်စိုက်ပေါ့။ မခုတ်နဲ့ပေါ့။ ကိုယ့်ပတ်ဝန်းကျင်ကောင်း ကိုယ်ပဲလုပ်ရမှာလေ။ ဘယ်သူကမှလာလုပ်မှာမဟုတ်ပါဘူး။ ကျွန်တော်တို့နိုင်ငံက သစ်ပင်စိုက်ဖို့မြေရှိသည်။ ရေရှိသည်။ဘယ်လောက်ကောင်းသလဲ။ ကျွန်တော့်အဖေက သစ်တောကအရာရှိအငြိမ်းစားပါ။ သစ်ပင်ကိုဘယ်လောက်ချစ်သလဲ ဆိုရင်အဖေကကျွန်တော်တို့မြို့ရဲ့အစွန်မှာ ခြံကျယ်ကျယ်ဝယ်ထားသည်။ ခြံထဲမှာ စားပင်သောက်ပင် အရိပ်ရပင်၊ ပန်းပင်စုံအောင်စိုက်သည်။ နေရာလပ်မရှိ။ သစ်ပင်ခုတ်လျှင်မကြိုက်။ သစ်ပင်ခုတ်လျှင် ပြောလို့မဆုံးတော့ပါ။ ခုလိုနွေအခါမှာ အဲဒီခြံကအရိပ်ကောင်းသည်။ အေးမြသည်။ အဖေ့ကျေးဇူးပါ။ သံပုရာပင် ၊သရက်ပင် သြဇာပင် ၀ယ်မစားရပါ။ ခြံထဲကရသည်။ ကျွန်တော်ငယ်ငယ်က အဖေသစ်ပင်စိုက်နေတာတွေကိုအလုပ်ပိုတွေလုပ်နေတယ်လို့ထင်မိသည်။ ၀ယ်စားလို့ရနေသည်။ ဘာဖြစ်လို့စိုက်မှာလဲပေါ့။ ဆောင်းတွင်းဆိုရင် အပင်တွေကကြွေတဲ့အမှိုက်ကိုသိမ်းရတာကအလုပ်တစ်ခုပါ။ ခုတော့လည်း အဖေစိုက်ထားတဲ့စားပင်သောက်ပင်တွေကို ရေလောင်းပေးသည်။ပေါင်းသင်ပေးသည်။ အပင်ကြီးတွေကို မိုးဦးလေဦးမှာ မလဲအောင်ခုတ်သင့်တဲ့အကိုင်းကိုခုတ်၊ အပင်ရင်းကိုတော်ရုံလေတိုက်ရင်မလဲအောင် မြေဖို့တာတွေလုပ်ပေးဖြစ်သည်။ အဲလိုစိတ်တွေဘယ်ကဖြစ်လာသည်ကိုပြောပြချင်ပါသည်။

ကျွန်တော်တို့မြို့ကလေးကနေ ပုသိမ်ကိုသွားစရာကိစ္စတစ်ခုကြုံလာသည်။ ရထားဖြင့်သွားရင်ရသည့်ခရီးဖြစ်သည်။ ကျွန်တော်က ရထားစီးရတာကိုငယ်ငယ်ကတည်းက မကြိုက်ပါ။ နှေးသည်။ ဘူတာစဉ်ရပ်သည်။ တိုက်ရိုက်သွား၍ရသည့်ခရီးကို ရန်ကုန်ကနေလှည့်သွားဖြစ်သည်။ ကျွန်တော်တို့ မြို့ကလေးကနေ ရန်ကုန်သို့ကားဖြင့်သွားမည်။ ရန်ကုန်ကမှတစ်ဆင့် ပုသိမ်သို့ကားဖြင့်သွားမည်ဖြစ်သည်။ ခရီးစဉ်ကိုဆွဲလိုက်ပါသည်။ မြို့ကနေထွက်တော့ ညရှစ်နာရီဖြစ်သည်။ မနက်လေးနာရီလောက်ရန်ကုန်ကိုရောက်သည်။အောင်မင်္ဂလာအဝေးပြေးကနေ ဒဂုံဧရာအဝေးပြေးကို လိုင်းကားဖြင့်သွားရသည်။ ဒဂုံဧရာရောက်တော့ ပုသိမ်ကားလက်မှတ်ဖြတ်လိုက်သည်။မနက် (၇)နာရီကားဖြစ်သည်။ ကားစထွက်ပြီးမကြာခင် တစ်ညလုံးကားစီးလာတော့ပင်ပန်းလာတာနဲ့မှေးကနဲ အိပ်ပျော်သွားသည်။ ကားကမောင်းနေရင်းရပ်လိုက်တာကိုသိလိုက်ရသည်။ ကျွန်တော်သွားနေကြခရီးလည်းမဟုတ်တာကြောင့် ဘယ်ကိုရောက်မှန်းလည်းမသိပါ။ တံတားတစ်စင်းဖြစ်သည်။ တံတားကလည်းခပ်တိုတိုပါ။ ကားကရပ်ပြီးပြန်မောင်းတော့ ဖြည်းဖြည်းမောင်းနေသည်။ အဲဒီမှာဆိုင်းဘုတ်တစ်ခုကိုအမှတ်မထင်တွေ့လိုက်ရသည်။ ကျွန်တတော်မမြင်ဖူးသည့် စာသားများဖြင့်ရေးထားသည့် ဆိုင်းဘုတ်ဖြစ်သည်။ စာသားကိုဖတ်ပြီး ကျွန်တော့်ရင်ထဲအမည်မသိဝေဒနာတစ်မျိုးခံစားလိုက်ရသည်။ ကောင်းလိုက်သည်စာသားဖြစ်သည်။ ဒီလိုစာမျိုးကိုရေးထားသည့်လူကို စိတ်ထဲကကြိတ်ပြီးချီးကျူးမိသည်။ ကျွန်တော်ဖတ်ဖူးနေကြစာသားများမဟုတ်ပါ။

ကျွန်တော် ကိုးတန်းနှစ်လောက် အဖေ့ဒိုင်ယာရီကိုခိုးဖတ်ဖူးသည်။ ပထမစာမျက်နှာမှာရေးထားတာလေးကိုကျွန်တော်အရမ်းကြိုက်သည်။ အဖေလည်းတစ်နေရာကကူးထားတာပါ။ ဒါပေမဲ့ ကျွန်တော်ကတော့ အဖေ့ကိုယ်ပိုင်ခံစားချက်လို့ထင်ပါသည်။ အဖေ့ရေးထားတာက တစ်နေ့တာပျော်ချင်ရင် အရက်သောက်ပါ။ တစ်လတာပျော်ချင်ရင်မိန်းမယူပါ။ တစ်သက်တာပျော်ချင်ရင်သစ်ပင်စိုက်ပါတဲ့။ အဖေကလည်းသူ့ခံစားချက်နဲ့တူလို့ရေးထားတာနေမှာပါ။ အဖေကသစ်ပင်ချစ်တဲ့သူပါ။ ကျွန်တော်တို့သစ်တောဝန်ထမ်းအရာရှိတွေက အိမ်နဲ့ရုံးတွဲရက်တွေနေရာများသည်။ ရုံးထဲမှာဆိုင်းဘုတ်တွေရေးထားတာတွေကို ကျွန်တော် တော်တော်များများဖတ်ဖူးပါသည်။ ဥပမာ၊

`တောတောင်ခြောက်ခမ်းလယ်ယာနွမ်း၏။´

`တောတောင်စိမ်းစိုသာယာပို၏။´

`သစ်တောနဲ့သစ်ပင်ချစ်ခင်တဲ့လူမျိုး၊ သစ်ပင်ကိုနှစ်စဉ်စိုက် ရွှေတိုက်ကိုစိုး´

`သစ်ပင်စိုက်ပါတို့ကမ္ဘာ သာယာလှပစိမ်းမြမြ´

စသည်တို့ဖြစ်သည်။

ဖတ်ဖူးသမျှ ဆိုင်းဘုတ်တွေထဲမှာ တံတားလေးနားကစာသားလေးက ရင်ကိုတော်တော်ထိပါသည်။ မီးမောင်းထိုးပြနေသလိုလည်းဖြစ်သည်။ ကျွန်တော်တို့ မြန်မာပြည်ကိုနာဂစ်ဆိုသော အင်မတန်ဆိုးဝါးသည့်ဆိုင်ကလုန်းမုန်တိုင်းကြီး ၂၀၀၈ခုနှစ်က ၀င်ရောက်နှိပ်စက်ခဲ့သည်။ လူပေါင်းသိန်းချီပြီးသေကြသည်။ တိရိစ္ဆာန်တွေလည်းသေကြသည်။ သစ်ပင်ပေါင်းမြောက်များစွာဆုံးရှုံးခဲ့ကြသည်။ လူတွေသေတာ ၊တိရိစ္ဆာန်တွေသေတာက ပြန်မရှင်နိုင်တော့ပါ။ သစ်ပင်ကတော့ ပြန်မရှင်ပေမဲ့ပြန်စိုက်လို့ရသည်။ အဲဒါကို မီးမောင်းထိုးပြထားတဲ့စာသားလေးက

`သင်ဆင်းရဲ၍အလှူဒါနပြုလိုလျှင် သစ်ပင်စိုက်ခြင်းဖြင့်ကုသိုလ်ယူပါ´ တဲ့။                        ကောင်းလိုက်တာဗျာ။ ရင်ထဲအသဲထဲ မှာစွဲသွားသည်။ ကျွန်တော်တို့မြန်မာနိုင်ငံမှာလူဦးရေသန်း(၆၀) နီးပါရှိသည်။ သစ်ပင်စိုက်နိုင်တဲ့သူ သန်း(၃၀)တော့ရှိမှာဖြစ်သည်။ တစ်ယောက်ကိုတစ်နှစ်လျှင်တစ်ပင်ရှင်အောင်စိုက်မည်ဆိုပါက တစ်နှစ်ကိုသစ်ပင်သန်း(၃၀)အသက်ရှင်မည်။ ကြီးထွားမည်။ ဆယ်နှစ်ဆိုလျှင် အပင်ပေါင်းသန်းသုံးရာ ဖြစ်မည်။ နောင်နှစ်ပေါင်းများစွားဆိုလျှင် ကမ္ဘာကြီးတစ်ခုလုံး ပူနွေးနေပါစေ ကျွန်တော်တို့မြန်မာနိုင်ငံအေးမြနေလိမ့်မည်ဟုခန့်မှန်းမိသည်။ ဘုရားကျောင်းကန်တွေမှာ မြန်မာလူမျိုးတွေရဲ့ထုံးစံအတိုင်းအလှူဒါနပြုကြပါ။ သစ်ပင်စိုက်ပြီးတော့လည်း ကုသိုလ်တွေတစ်ပုံတစ်ပင်ကြီးယူလိုက်ကြရအောင်ဗျာ။