ဟီရိ သြတ္တပ္ပ

       မြန်မာတို့သည် အရှက်အကြောက်ရှိသူများဖြစ်သည်။ အရှက်အကြောက်မရှိလျှင်မြန်မာမဟုတ်၊      မြန်မာဟူသောဝေါဟာရ

သည် ယခုအခါတိုင်းရင်းသားလူမျိုးနွယ်အားလုံးကိုကိုယ်စားပြုသည်။ သက္ကဓမ္မဟူသော ဖြူစင်ကြောင်းတရားဖြစ်သည့်   အရှက်နှင့်

အကြောက်တရားနှစ်ပါးသည် သူတော်ကောင်းတို့အတွက် အရှက်အကြောက်နှစ်ပါးမရှိလျှင် အသက်ရှိနေသေးသော်လည်းအသေ

ကောင်နှင့်မခြား အတူတူသာလျှင်ဖြစ်မည်။

       ရှင်မဟာရဋ္ဌသာရက ကိုးခန်းပျို့တွင်----

  - ဟီရိကျော့ငွေ၊ သြတ္တရွှေနှင့်

   - နှံ့မွေကြာမုံ၊ ခက်ရုံသန္တာသ

        - သီလပုလဲ၊ စွန့်ကြဲဒါန၊ စာဂမဏီ

       - ဗုဒ္ဓိ၀ရဇိန်၊ တောက်ထိန်ခုနှစ်ပါး

- ဥစ္စာများကို၊ သူ့အားဝေငှ

     - ဥာဏသူဋ္ဌေး၊ ဥာဏ်လှူပေး၍

                               - ကံကျွေးဝထ္တု၊ ဤကျမ်းပြုသည်ဟု ရေးသားခဲ့သည်။

- ဟီရိ(ရှက်ခြင်း) ကားငွေနှင့်တူ၏။

- သြတ္တပ္ပ(ကြောက်ခြင်း) ကားရွှေနှင့်တူ၏။

- သဒ္ဓါသည် မြ နှင့်တူ၏။

-  သီလသည် ပုလဲ နှင့်တူ၏။

- စာဂသည် ပတ္တမြား နှင့်တူ၏။

- ပညာသည် စိန် နှင့်တူ၏။

- သုတသည် သန္တာ နှင့်တူ၏။

 ထို့ကြောင့် သဒ္ဓါ၊ သီလ၊ သုတ၊ စာဂ၊ ပညာ၊ ဟီရိ၊ သြတ္တပ္ပတည်းဟူသောသူတော်ကောင်း ဥစ္စာခုနှစ်ပါးဖြစ်၍ ယင်းတို့နှင့်ပြည့်စုံပါ

က ခုနှစ်ပါးသောရတနာကိုဆင်မြန်းစရာမလို ၊ သူတော်ကောင်းဥစ္စာခုနှစ်ပါးကား ပို၍မြင့်မြတ်သည်။

     အရှက်တရား အကြောက်တရားရှိသောသူတို့သည် သီလကိုလုံခြုံအောင်စောင့်ထိန်းနိုင်သည်။ အရှက်အကြောက်တရားခေါင်း

ပါးသူတို့တွင်အကျင့်သီလသည်ကိန်းဝပ်နိုင်ခြင်းမရှိ်ပါ။        ပူလောင်ပြင်းပြ မီးလျှံထနေသည့်ကုန်းမြေတွင် ဖြူဖွေးဝင်းလက်သော

ဆောင်းနှင်းရည်တစ်စက်သော်မှ မတည်လေသကဲ့သို့ အရှက်အကြောက်မရှိသူတို့ထံတွင် အကျင့်သီလသည်မတည်နိုင်ပါ။

·          ရစ်မသည် မိမိ၏အသက်ကိုစွန့်၍ ဥကိုစောင့်ရှောက်သကဲ့သို့လည်းကောင်း

·          စာမရီသားကောင်သည် မိမိအသက်ကိုစွန့်၍ မြီးဆံကိုစောင့်ရှောက်သကဲ့သို့လည်းကောင်း

·          သားတစ်ယောက်တည်းရှိသောမိခင်သည် တစ်ယောက်တည်းသောသားကိုစောင့်ရှောက်ယုယသကဲ့သို့လည်းကောင်း

·          မျက်စိတစ်ဖက်သာ အကောင်းရှိသောသူသည်     ထိုမျက်စိတစ်ဖက်ကိုအရေးတယူစောင့်ရှောက်သကဲ့သို့လည်းကောင်း

သူတော်ကောင်းတို့သည် မိမိစောင့်ထိန်းသော သီလကိုအသက်တမျှ တန်ဖိုးထားကာမြတ်နိုးစောင့်ရှောက်ကြသည်။

     ဟီရိ သြတ္တပ္ပ တရားနှစ်ပါးသည် နက်နဲသောတရားနှစ်ပါးဖြစ်သည်။ ဤတရားနှစ်ပါးသည် လောကကို စောင့်ရှောက်သောတရား

နှစ်ပါးဖြစ်သည်။ ဤတရားနှစ်ပါးသည် လောကကြီးကိုစောင့်ရှောက်သောသဘောရှိ၍ လောကပါလတရားနှစ်ပါးဟုလည်းခေါ်သည်။

လောကပါလတရားနှစ်ပါးကိုလက်ကိုင်ထားသူသည် နတ်တို့၌ဖြစ်အံ့သောငှာ    အကြောင်းရှိသူဖြစ်၍ ယင်းကိုဒေ၀ဓမ္မတရားဟုခေါ်

သည်။

    `ဟီရိ´ ဆိုသည်မှာအရှက်ရှိခြင်းဖြစ်သည်။ ကာယကံမြောက်မကောင်းမှုပြုရသည်ကိုရှက်ခြင်း၊      ၀စီကံမြောက်မကောင်းမှုပြုရ

သည်ကိုရှက်ခြင်း၊ မနောကံမြောက်မကောင်းမှုပြုရသည်ကိုရှက်ခြင်းဖြစ်သည်။ အရှက်ရှိသူတို့သည်  မကောင်းမှုကိုမစင်ကဲ့သို့စက်

ဆုပ်သည်။ အရှက်ရှိသူသည် စင်ကြယ်သောသဘောရှိသည်။ လူတစ်ယောက်၏ အတွင်းအဇ္ဈတ္တတွင်      ဟီရိတရား အရှက်တရား

ကိန်းအောင်းနေလျှင် မကောင်းမှုဒုစရိုက်အားလုံးကိုရွံ့ရှာစက်ဆုပ်သည်။

    `သြတ္တပ္ပ´ ဟူသည်ကြောက်ခြင်းဟုအဓိပ္ပါယ်ရသည်။ သြတ္တပ္ပ ၏အဓိပ္ပါယ်မှာ ကာယကံမြောက် မကောင်းမှုပြုသည်ကိုကြောက်

ခြင်း၊ ၀စီကံမြောက်မကောင်းမှုပြုသည်ကို ကြောက်ခြင်း၊ မနောကံမြောက်မကောင်းမှုပြုရသည်ကို ကြောက်ခြင်းဖြစ်သည်။ သြတ္တပ္ပ

သည် မကောင်းမှုပြုလုပ်ရန် ကြောက်ရွံ့ထိတ်လန့်သောလက္ခဏာရှိသည်။ အအေးဓါတ်ကို အလိုရှိသူသည် အပူကိုကြောက်သကဲ့

သို့ မကောင်းမှုဒုစရိုက်ကိုကြောက်သည်။

     လောကတွင် အရှက်တရားကိုဖြစ်စေသော အကြောင်းတရားလေးပါးရှိသည်။ ယင်းတရားလေးပါးမှာ---

·          မိမိ၏ အမျိုးဇာတိကို ဆင်ခြင်၍ရှက်ခြင်း။

·          မိမိ၏ အရွယ်ကိုဆင်ခြင်၍ ရှက်ခြင်း။

·          မိမိ၏ ရဲရင့်မှုကိုဆင်ခြင်၍ရှက်ခြင်း။

·          မိမိ၏ ဗဟုသုတအကြားအမြင်ကို ဆင်ခြင်၍ ရှက်ခြင်းတို့ဖြစ်သည်။

      အရှက်အကြောက်တရားနှစ်ပါးကိုလိုက်နာကျင့်သုံးရာတွင် ရခိုင်ဘုရင်မင်းထီးသည် မြန်မာ့သမိုင်းတွင် စံပြဖြစ်သည်။ နန်းတော်

ထဲတွင် မူးမတ်များကကွမ်းစားပြီးပါက လက်ညှိုးတွင်ကပ်နေသော    ထုံးကိုအမှတ်မထင် နန်းတော်တိုင်များကိုသုတ်လေ့ရှိရာဘုရင်

မင်းထီးက နန်းတော်တိုင်ကို ထုံးတို့မိပါက လက်ချောင်းအဖြတ်ခံရမည်ဟုအမိန့်ထုတ်သည်။   တစ်နေ့တွင်ဘုရင်မင်းထီင်္းသည် သူ

ကိုယ်တိုင်အမှတ်မထင် နန်းတော်တိုင်အား ထုံးသုတ်မိလေရာ သူ့လက်ကိုသူကိုယ်တိုင်ဖြတ်သည်။    လောင်းကြက်မြို့အနီးနန်းကျ

အရပ်တွင်ရုပ်ထုသည် ဘုရင်မင်းထီး၏မြင့်မြတ်သော အပြုအမူအတွက် ထားရှိသော    အထိမ်းအမှတ်ပင်ဖြစ်နိုင်ကြောင်း ဆရာကြီး

ဦးဖိုးကြားကဆိုသည်။

     မြန်မာလူမျိုးတို့၏ကွမ်းစားသော ဓလေ့စရိုက်သည် ရှေးယခင်ကတည်းကရှိခဲ့သည်ကိုတွေ့ရှိရသည်။ ယခုကာလဆယ်စုနှစ်အ

တွင်း ကွမ်းစားခြင်းမှာ လူကြီး၊ လူလတ်၊ လူငယ်များတွင်ခေတ်စားနေသည်။ လူတစ်ရာရှိပါက ခုနှစ်ဆယ်လောက်ကွမ်းစားကြသည်။

ကွမ်းစားခြင်းနှင့် ပတ်သက်၍လည်း ရုပ်မြင်သံကြား၊ သတင်းစာ၊      ဂျာနယ်များတွင် ကျယ်ကျယ်ပြန့်ပြန့်အသိပေးနေပြီဖြစ်သည်။

စာရေးသူတို့နေ့စဉ်သွားလာနေသော ဋ္ဌာနများတွင်ကွမ်းတံတွေး မထွေးရဆိုင်းဘုတ်များ၊ ကွမ်းတံတွေးထွေးရန်   သံပုံးများကိုတွေ့

နေရသည်။ အခြေခံကျောင်းများတွင်လည်းကွမ်းမစားရ၊ ဆေးလိပ်မသောက်ရ    ကျောင်းအတွင်းသို့ယူဆောင်လာခြင်းမပြုရဆိုပြီး

ဆိုင်းဘုတ်များချိတ်ထားသည်ကိုတွေ့နေရသည်။

    စာရေးသူတို့နိုင်ငံတွင် တစ်ချို့ဋ္ဌာန ၊ ကုမ္ပဏီ၊ စက်ရုံစသည်တို့မှ အကြီးအကဲများကိုယ်တိုင်ကွမ်းစားခြင်း ဆေးလိပ်သောက်ခြင်း

များကို မိမိတို့တာဝန်ထမ်းဆောင်သောနေရာ၌ပင်ပြုလုပ်နေကြသည်ကိုတွေ့နေမြင်နေရသည်။ ကောင်းမွန်သောလက္ခဏာမဟုတ်

ပါ။ ရှက်ခြင်း၊ ကြောက်ခြင်းတည်းဟူသောလောကပါလတရားနှစ်ပါးကို အုပ်စိုးသူ၊ ခေါင်းဆောင်သူ၊ အသက်အရွယ်ကြီးရင့်သူတို့က

ပို၍လိုက်နာသင့်သည်။ စည်းကမ်းများထုတ်ပြန်ထားခြင်းသည်လိုက်နာရန်ဖြစ်သည်။   ကွမ်းစားခြင်းနှင့်ဆေးလိပ်သောက်ခြင်းကိုနမူ

နာအဖြစ်တင်ပြခြင်းဖြစ်ပါသည်။ ကျန်ရှိသော    စောင့်ထိန်းသင့်သည့်စည်းကမ်းများကိုလည်းစောင့်ထိန်းရန်လိုအပ်ပါသေးသည်။ အ

သက်အရွယ်ကြီးရင့်သူများက လိုက်နာပါမှ        မိမိထက်ငယ်သောအခြားသူများကိုလိုက်နာစေရင်းလက်ဆင့်ကမ်းရမည်ဖြစ်သည်။

လောကပါလ တရားနှစ်ပါး လူ့လောကတွင်လျော့ရဲပါက ထိုလူ့အဖွဲ့အစည်း ၊   ထိုနိုင်ငံသည် တိုးတက်ဖို့နေနေသာသာ ပျက်သုဉ်း

ဖို့ပင်ရှိပါကြောင်းတင်ပြရေးသားလိုက်ရပါသည်။

နေ၀င်းဇော်(မြန်အောင်)