သူငယ်ချင်းတစ်ယောက်အိမ်ကိုရောက်တော့ကွန်ပျူတာတွေအများကြီးကိုတွေ့လိုက်ရသည်။ ကွန်ပျူတာတွေအများကြီးတွေ့ ရသည်ဆိုတော့ ဂိမ်းဆိုင်လား၊
အင်တာနက်ဆိုင်လားဟုထင်ကြမည်ဖြစ်သည်။ ပြင်ဖို့အတွက်စက်အဖုံးများကိုဖွင့်ထားတာတွေ၊ ပြင်
ပြီးသားဖြစ်ပြီးလာမယူသေးတာတွေဖြစ်သည်။ သူနှင့်ကျွန်တော်ရင်းနှီးနေတာကြာပါပြီ။ သူ့အိမ်ကိုယခုတစ်ကြိမ်ရောက်ဖူးတာပထမ
ဆုံးဖြစ်သည်။ တော်တော်လေးအံ့သြမိသည်။
ကျွန်တော်စိတ်ဝင်စားသွားမိသည်။
ကျွန်တော်ကွန်ပျူတာကို အဲဒီအချိန်ကမြင်ဖူးရုံသာရှိသေးသည်။ အင်တာနက်ဆိုတာဘာ မှန်းမသိသေး။
သူငယ်ချင်းကကွန်ပျူတာတက္ကသိုလ်တစ်ခုကဒီပလိုမာတို့ ဒီဂရီတို့ရထားသူမဟုတ်တာတော့သေချာသည်။ မမြို သိပ်နိုင်သည့်အဆုံးသူ့ကိုဘယ်ကနေဘယ်လိုကွန်ပျူတာပြင်သည့်ပညာတတ်သွားတာလဲဟုမေးလိုက်မိသည်။ သူငယ်ချင်းက လည်းစိတ်ရှည်လက်ရှည်ရှင်းပြသည်။
ကျောင်းတုန်းကသူငယ်ချင်းလုပ်သူက
သူလိုကိုယ့်လိုအထဲကပါ။ စာအသင့်အတင့်တော်သောအထဲတွင်တော့ပါသည်။ သူငယ် ချင်းတွေထဲက တော်သည့်ကျောင်းသားများလည်းရှိသည်။
သူငယ်ချင်းမှာကောင်းတဲ့အကျင့်လေးရှိသည်။ အဲဒါဘာလဲဆိုတော့ဘယ် အရာမဆို စနစ်တကျလုပ်တတ်သည်။
စာအုပ်ကိုင်တာကအစသပ်သပ်ရပ်ရပ်ရှိသည်။ စာကြည့်ချိန်ကိုအချိန်ဇယားဆွဲထားသည်။
လုပ်စရာရှိတာကို မှန်မှန်လုပ်တတ်သည့်အကျင့်ရှိသည်။ ဒီနေ့သင်သောစာကိုဒီနေ့ရအောင်လုပ်သည်။ နောက်တစ်နေ့အကြွေးမ ထားပါ။ ဒါကငယ်ငယ်တုန်းက ကျွန်တော့်သူငယ်ချင်းရဲ့အကျင့်ဖြစ်သည်။
အဲဒီလိုနဲ့
သူငယ်ချင်းနှင့်ကျွန်တော် ဆယ်တန်းအောင်တော့ကွဲသွားကြသည်။ ကျွန်တော်လည်း အဝေးသင်တက္ကသိုလ်တက်ရင်း
ဘွဲ့ယူလိုက်ရသည်။ သူငယ်ချင်းလုပ်သူကတော့ တက္ကသိုလ်ကိုနေ့ကျောင်းတက်သည်။ ကျွန်တော်နှင့်သူမတွေ့ဖြစ်ပါ။
ကျောင်းပြီး သွားတော့လည်း ကိုယ့်အလုပ်နဲ့ကိုယ်မအားတာနှင့်တစ်ယောက်နဲ့တစ်ယောက်မတွေ့ဖြစ်ကြပါ။
ကျောင်းပြီးသွားတော့သူငယ်ချင်း လည်းဘာအလုပ်မှမလုပ်မီ ဟိုယောင်ယောင် ဒီယောင်ဖြစ်နေသည်ဟုပြောပါသည်။ ဘိလိယက်ခုံမှာဘိလိယက်ထိုးလိုက်သေး သည်။ ဘိလိယက်ကိုတစ်နေကုန်အောင်ကစားသည်။
ညနေအိမ်ပြန်ရောက်တော့လည်း ကိုရီးယားကားကိုကြည့်သည်။ ကိုရီးကား ပြီးလျှင် လက်ဖက်ရည်ဆိုင်ထိုင်ကာသူငယ်ချင်းများနှင့်အကြာကြီးနေကာ
စကားများပြောဖြစ်သည်။ တစ်နှစ်လောက်ကြာသွားတော့ သူငယ်ချင်းလည်းငယ်ငယ်ကစိတ်ပြန်ဝင်လာတယ်လို့ပြောသည်။
ဘယ်ကနေသင်ခန်းစာရလိုက်တာလဲဆိုတော့ ကိုရီးကားတစ်
ကားကို စိတ်ဝင်စားလို့ကြည့်လိုက်တာ အခန်းပေါင်းတစ်ရာကျော်သွားတာကိုသိလိုက်ရတယ်။ ကိုရီးယားကားဆိုတာ တစ်နေ့ကို ရုပ်မြင်သံကြားက တစ်နာရီပြသည့်ကားဖြစ်သည်။
ဒါဆိုနာရီပေါင်းတစ်ရာကျော်ကို ကိုရီးယားကားကြည့်ရင်းကုန်သွားခဲ့သည်ပေါ့။
တစ်နေ့ကိုတစ်နာရီ၊ ဘိလက်ခုံမှာကစားတာက တစ်နေ့မှာငါးနာရီလောက်ကစားသည်၊ လက်ဖက်ရည်ဆိုင်မှာထိုင်သည်ကတစ် နေ့မှာ အနည်းဆုံးနှစ်နာရီရှိသည်။
ပေါင်းလိုက်တဲ့နာရီတွေကိုကြည့်ပြီးကြောက်လာသည်ဟုပြောသည်။
သူငယ်ချင်းလည်း
ဘာလုပ်ရမည်ဆိုတာကိုနားလည်သွားသည်။ ကိုရီးကားကြည့်ချိန်တစ်နာကို ကိုယ်စိတ်ဝင်စားတဲ့စာအုပ် ကိုဖတ်လိုက်ရင် တိုးတက်လာမယ်လို့စိတ်ကူးရလိုက်သည်။
ကိုရီးယားကားကိုမကြည့်တော့ဘဲ တစ်နေ့ကိုတစ်နာရီကွန်ပျူတာ
နည်းပညာစာအုပ်ကိုဖတ်သည်။ ဘိလိယက်ထိုးချိန်များကို ကွန်ပျူတာတွင်စာစီစာရိုက်လေ့ကျင့်သည်။ ကွန်ပျူတာပညာရပ်ကို လေ့လာလိုက်စားလိုက်သည်။
တစ်နှစ်လောက်ကြာတော့နာရီတွေကိုတွက်ကြည့်သည်။ တော်တော်များသွားသည်။ ကွန်ပျူတာ ပညာရပ်များကိုလည်းအနည်းငယ်သိလာသည်။
စမ်းလုပ်ကြည့်သည်။ အောင်မြင်လာသည်။ ကွန်ပျူတာတစ်ခုမှာပါဝင်သည့်အ
စိတ်အပိုင်းများ ဆက်လေ့လာသည်။ တိုတိုပြောရရင်ခုမြင်နေတဲ့အတိုင်းပဲ ကွန်ပျူတာပြင်နိုင်တဲ့အထိဖြစ်သွားတာ
သုံးနှစ်လောက် ပဲရှိသေးတယ်။ အရင်ကလေလွင့်ခဲ့တဲ့အချိန်တွေကိုနှမြောတော့နှမြောမိတယ်။
ဒါပေမဲ့ သူတို့တွေက ငါ့ကိုအသိပညာတွေပေးခဲ့
တာလို့သူငယ်ချင်းက သူ့အတွေ့အကြုံကိုပြောပြသည်။
နောက်တစ်ယောက်ကတော့
မိတ်ဆွေဖြစ်သည်။ မိတ်ဆွေကအလုပ်လုပ်တာသေချာသည်ဟုနာမည်ကြီးသည်။ အလုပ်လုပ် နေရရင်ကိုပျော်နေသည့်သဘောရှိသည်။ မိတ်ဆွေကအချိန်ကိုတော်တော်လေးစားသည်။
သူလုပ်တဲ့အလုပ်က လျှပ်စစ်ပစ္စည်းများ ကိုပြင်သည့်အလုပ်ဖြစ်သည်။
သူလည်းအင်ဂျင်နီယာဘာသာရပ်ကိုတတ်ကျွမ်းထားတာမဟုတ်ပါ။ သင်တန်းတက်သည်။ ပြီးတော့ လေ့လာသည်။ နည်းပညာစာအုပ်တွေဖတ်သည်။ မိတ်ဆွေက
စက်ပြင်သည့်နေရာတွင် သူများဆိုင်တွေထက်နာမည်ကြီးသည်။ ပို ကောင်းနေလို့လားဟုမေးကြည့်တော့ မိတ်ဆွေက `ကျွန်တော်ကမနက် ရှစ်နာရီဆိုင်ဖွင့်ချိန်ဆိုရှစ်နာရီကိုဖွင့်ဖြစ်အောင်ကြိုးစား
တယ်။ ညနေဆိုင်ပိတ်ချိန်ကို ညနေဘယ်အချိန်ဆိုင်ပိတ်ရမယ်ဆိုတာကို သတ်မှတ်ထားတယ်။ အားလို့ဆိုပိုလည်းဆိုင်မှာမနေဘူး။
နောက်ပြီးလာအပ်တဲ့ အပ်ထည်ပစ္စည်းတွေကို ရက်ချိန်းအတိအကျပေးတယ်။ ရက်ချိန်းရက်မှာမပြီးသေးရင်လည်း
အပ်တဲ့သူကသေ ချာအောင်ရှင်းပြတယ်။ ပြီးတော့ဖြစ်နိုင်တဲ့အချိန်သေချာပြန်ချိန်းတယ်။ တတိယအကြိမ်ဆိုတာဘယ်တော့မှမရှိအောင်ရှောင်တယ်။ ဒါကရက်ချိန်းအတိအကျပေးတဲ့အကျိုးကျေးဇူးကြောင့်ခုဆိုရင်တပည့်တွေတောင်ထားပြီးပြင်နေရတယ်လို့မိတ်ဆွေထံမှ သိလိုက်ရ တယ်။
ပန်းထိမ်ဆရာရက်ချိန်းမမှန်လို့မင်္ဂလာဆောင်တို့အလှူတို့မှာဝတ်ဖို့လက်ဝတ်ရတနာအပ်တာကိုမပြီးလို့ဆိုင်ရှင်နဲ့စကားများ
ကြတဲ့သူတွေ၊ ရက်ချိန်းအတိုင်းမပေးနိုင်လို့ စကားများကြတဲ့ စက်ချုပ်ဆိုင်က စက်ဆရာနဲ့စကားများကြတာတွေ၊ တီဗွီပြင်ဆိုင်မှာ ရက်ချိန်းမမှန်လို့စကားများနေကြတာတွေ၊
ဆိုင်ကယ်လာယူတဲ့လူကလာယူနေပြီ စက်ဆရာကမပြင်ဘဲချောင်ထိုးထားပြီိးနောက်
တစ်စီးကို ကိုင်နေတာတွေ စုံလို့ပါပဲ။ နောက်အစည်းအဝေးခန်းကိုချိန်းတဲ့အချိန်မရောက်တဲ့လူတွေ ရှိနေပါသေးတယ်။ အချိန်ဆို တာတကယ်သုံးတတ်ရင် အကျိုးရှိပါတယ်ဆိုတာ
သူငယ်ချင်းတွေဆီကရလိုက်ပါတယ်။ စာဖတ်သူတို့လည်း
ကျွန်တော့်စာကိုဖတ် ရင်း အချိန်ကိုတန်ဖိုးထားအသုံးချပေးကြပါလို့တိုက်တွန်းရေးသားလိုက်ရပါသည်။
နေ၀င်းဇော်(မြန်အောင်)
No comments:
Post a Comment