ဘာသာတရားအားလုံးတွင်
မိဘအားအလေးထားဦးစားပေးပြီး ရိုသေကိုင်းရှိုင်းရန်ဆုံးမထားကြပါသည်။ မည်သည့်ဘာ
သာကို ကိုးကွယ်သည်ဖြစ်စေအားလုံးသောလူသားများမှာမိဘကိုအလေးအမြတ်ထားရမည်ဟုဆိုထားကြပါသည်။ လောကကြီးကို
ရောက်လာတာသည်မိဘများ၏ကျေးဇူးတရားကြောင့်ဖြစ်သည်။
မိဘများက သားသမီးများကိုပြုစုစောင့်ရှောက်လိုစိတ်တို့ဖြင့်မေ
တ္တာတရားကိုရှေ့ထားကာလူ့လောကကြီးထဲသို့ဆောင်ကျဉ်းပေးခဲ့ခြင်းဖြစ်ပါသည်။
သားသမီးများကို မမွေးဖွားခင်ကတည်းက
အမေသည်ကိုးလလွယ် ဆယ်လမွေးဖြင့် သားသမီးများကိုကမ္ဘာလောကကြီး
ထဲသို့ရောက်လာအောင်ထိန်းသိမ်းခဲ့ရပါသည်။
ကိုယ်ဝန်ဆောင်နေစဉ်အချိန်မှာလည်း အနေအထိုင် ၊ အစားအသောက်ဆင်ချဉ်ကာ
မိမိရင်သွေးလေးကိုတယုတယစောင့်ရှောက်ကြရပါသည်။
မွေးဖွားလာသောအခါတွင်လည်းမိခင်က နို့ချိုတိုက်ကျွေးကာ ဖခင်က
တစ်ဖက်တစ်လမ်းကစောင့်ရှောက်ရင်း
သားသမီးများကို လူတစ်လုံးသူတစ်လုံးဖြစ်အောင်ပြုစုစောင့်ရှောက်ခဲ့ကြပါသည်။ ပြောပြနေ
လျှင် မိဘ၏ကျေးဇူးများကကုန်ခမ်းနိုင်မည်မထင်ပါ။
စာရေးသူဖတ်ခဲ့ဘူးသော ရင်ဘတ်ကိုထိမှန်ခဲ့ရသောစာစုလေးများကို
ပြန်ပြီးမျှဝေချင်ပါသည်။ ဒီစာစုလေးတွေကိုဖတ်ပြီးစာ
ဖတ်သူလည်းမိဘကိုတစ်သက်လုံးစိတ်ချမ်းသာအောင်ထားစေချင်သည့်ဆန္ဒကြောင့်လည်းဖြစ်ပါသည်။
စာရေးသူဖတ်ခဲ့ဘူးတဲ့အင်
တာနက်ကစာစုလေးဟာ
စာရေးဆရာရဲ့စိတ်နဲ့ရေးထားတဲ့ စိတ်ကူးရင်ဇာတ်လမ်းလေးဖြစ်ပါစေလို့ ဆုတောင်းမိခဲ့တာအကြိမ်ကြိမ်
ပါ။
တစ်ခါတုန်းက အဖိုးအိုတစ်ဦး ဟာ ရွာမှာ တစ်ယောက်တည်းအထီးကျန်ဆန်စွာနေရတယ်
။ တစ်နေ့တော့အဖိုးအိုက သူ့ သားနဲ့ သူ့ချွေးမ သူ့မြေးလေးတွေရှိတဲ့နေရာမှာ သွားနေမယ်ဆိုတဲ့
မျှော်လင့်ချက်နဲ့ ရွာကနေထွက်လာခဲ့တယ် ..။ ဒီလိုနဲ့ ခရီးရှည်ကြီးကိုဖြတ်သန်းပြီးတော့
သူ့သား ချွေးမနဲ့ မြေးကလေးတို့နေတဲ့အိမ်ကိုရောက်လာပါတယ် ။
စစရောက်ခြင်းမှာ
သားဖြစ်သူတို့မိသားစုက ၀မ်းပမ်းတသာကြိုဆိုကြတယ် ။ အိမ်ဦးခန်းမှာ နေရာပေးကြတယ် ။ ဒီလိုနဲ့
အဖိုးအိုဟာ သူ့သားမိသားစုနဲ့အတူ နေထိုင်ရင်း တစ်ပတ်တိတိ အချိန်ကိုရောက်လာခဲ့တယ် ။ နေ့တိုင်းနေ့တိုင်းမှာ
မိသားစုထမင်းဝိုင်းမှာ အားလုံးအတူဝိုင်းစားကြတယ်။ အဖိုးအိုရဲ့မျက်လုံးတွေဟာ မှုန်ရီနေပါပြီ
။ အဖိုးအိုရဲ့လက်တွေက အသက်အရွယ်ကြောင့် တုန်ယင်နေခဲ့တယ် ။
တခါတခါ ဇွန်းနဲ့
ခက်ရင်းတွေလွတ်ကျသလို ..တခါတခါမှာလည်း ပန်းကန်ထဲက ထမင်းတွေဟာ ဘေးနားကိုဖိတ်လို့ဖိတ်ကြမ်းပြင်ပေါ်ကျလို့ကျနဲ့
ပေပွနေခဲ့ရတယ် ။ တစ်ပတ်တိတိရှိလာတဲ့အခါ သားဖြစ်သူနဲ့ချွေးမတို့က မခံနိုင်တော့ပါဘူး
။ သူတို့တိုင်ပင်ကြတယ် ။
“ အဖေ့ရဲ့
ထမင်းစားတဲ့အခါ ဟိုဖိတ်ဒီဖိတ်ဒါဏ်ကိုမခံနိုင်တော့ဘူး အဖေက ထမင်းစားရင်လည်းအသံမြည်တယ်
ညစ်ပတ်နေတာပဲ ကြမ်းပြင်ပေါ်မှာလဲ ပေပွနေရော ငါတို့တစ်ခုခုလုပ်ရအောင် ” လို့ မိန်းမဖြစ်သူကိုတိုင်ပင်တယ်
။ ဒီလိုနဲ့ သူတို့ဟာ အဖိုးအိုကို ထမင်းတစ်ဝိုင်းတည်းအတူစားခွင့်မပေးတော့ပဲ အခန်းထောင့်လေးမှာ
စားပွဲခုံသေးသေးလေးနဲ့ ကျွေးပါတော့တယ် ။
အဖိုးအိုဟာ
ကြွေပန်းကန်နဲ့စားတဲ့အခါ မှာလည်း ခဏခဏ ပန်းကန်တွေကျကွဲတဲ့အတွက် သားဖြစ်သူက သစ်သားခွက်ကလေးလုပ်ပြီး
အဖိုးအိုကိုကျွေးတယ် ။ အဲဒီအချိန်ကစလို့ အဖိုးအိုဟာ တိတ်ဆိတ်စွာပဲ အခန်းထောင့်လေးက
ထမင်းစားပွဲလေးမှာ စားရပါတယ် ။ တခါတခါ သားဖြစ်သူနဲ့ချွေးမဖြစ်သူရဲ့ ဒေါသတကြီးဆူပူကြိမ်းမောင်းသံတွေကိုလည်းခံရသေးတယ်
။
ဒီလိုနဲ့တစ်နေ့တော့
သူတို့သားကလေးဖြစ်သူဟာ အိမ်ရှေ့မှာ ငြိမ်ငြိမ်ကလေးထိုင်ပြီး တစ်ခုခုကို စိတ်ဝင်တစားလုပ်နေတာတွေ့လိုက်ရတယ်
။ ဒီတော့ သားဖြစ်သူဆီသွားပြီး မိဘတွေကချိုသာတဲ့စကားနဲ့မေးလိုက်တယ် ။
“ သား
ဘာလုပ်နေတာလဲ ဟင် ”
သားဖြစ်သူက
သူ့ဖခင်နဲ့မိခင်ကို ပြုံးပြီးကြည့်လိုက်တယ် ပြီးတော့ ပြောလိုက်တယ် ..။
“ သားလည်း
အဖေ့တို့အမေတို့လိုပဲ အဖေအမေတို့ကြီးလာရင်ကျွေးဖို့ သစ်သားခွက်ကလေးလုပ်နေတာပါ ”
အဲဒီလိုပြောပြီး
သားဖြစ်သူက သူ့အလုပ်သူဆက်လုပ်နေခဲ့တယ် ။မိဘတွေဟာ သားဖြစ်သူစကားကိုကြားပြီးအလွန်ပဲထိတ်လန့်တုန်လှုပ်သွားခဲ့ရတယ်
။ သူတို့ ဘာစကားတစ်ခွန်းမှ မပြောနိုင်ဘူး တုန်လှုပ်ခြောက်ခြားသွားပြီး ပါးပြင်ပေါ်ကနေ
မျက်ရည်တွေ စီးကျလာခဲ့ရတယ် ။ သူတို့အမှားကို သူတို့ ထင်းကနဲ မြင်သွားခဲ့ရတယ် ။ အိမ်ထဲကိုလှမ်းကြည့်လိုက်တော့အဖိုးအိုက
တိတ်ဆိတ်စွာ သူတို့ကို ငေးနေတာတွေ့လိုက်ရပါတော့တယ် ။
သင်လည်းတစ်နေ့
အဖိုးအိုဖြစ်လာမှာပါပဲ ။ မိဘတွေကို ချစ်ခင်ကြင်နာယုယပြီးကိုယ့်မျိုးဆက်တွေအတွက် မေတ္တာတရားကိုပြသပါ
။ ကလေးတွေဟာ သင်တို့အပြုအမှုတွေကို မြင်တယ် .. ကြားတယ် ..လိုက်မှတ်သားတယ် ..။ သင်တို့ပြုသမျှဟာ
သင်တို့ထံပြန်လာပါလိမ့်မယ် ။
တစ်နေ့နေ့မှာ
ကိုယ်ဟာ သားတစ်ယောက် ပြီးတော့ဖခင်တစ်ယောက်ပြီးတော့အဖိုးအိုတစ်ယောက်ဖြစ်လာဦးမှာပါပဲ
။ မသေခင်လေး ကျွေးရတဲ့ မိဘအတွက် ထမင်းဟာ သူတို့မြိုချလိုက်တိုင်း မနင် ..ပါစေနဲ့ ။
လျောလျောရှူရှုဝင်ပါစေ ..။
ဒါစာစုလေးကိုစာရေးသူဖတ်လိုက်ရတယ်။ သက်တန့်ချိုကရေးထားတာပါ။
စာရေးသူနောက်ဖတ်မိတဲ့အကြောင်းအရာ
လေးကတော့
အင်ဒိုနီးရှားနိုင်ငံရဲ့ကျွန်းစုတွေမှာရှိတဲ့လူများတွေဟာသူတို့မိဘတွေအသက်ရှစ်ဆယ်ကျော်သွားရင်ဘယ်သူမှမ
ရောက်နိုင်တဲ့တောထဲကိုသွားပြီး
ခုနှစ်ရက်စာအစားအစာနဲ့ရေတို့ကိုထားပြီးသွားခဲ့ကြတယ်။ အစားအစာကုန်သွားပြီးဘယ်လို
မှအစားအစာရှာမရဘဲ
အစာရေစာငတ်ပြီးသေကြရတယ်။ ဒါတွေတကယ်ဖြစ်ခဲ့တာပါ။ ဒီလိုမျိုးစာစုတွေကိုဖတ်ပြီးရင်စာရေးသူ
ရင်ဘတ်ထဲမှာအောင့်ပြီးကျန်ခဲ့ပါတယ်။
နောက်စာရေးသူရဲ့သူငယ်ချင်းတစ်ယောက်စကာင်္ပူမှာသူနာပြုအလုပ်သွားလုပ်တယ်ဆိုလို့ဘယ်ဆေးရုံမှာလုပ်တာလဲလို့စာရေးသူမေးဖြစ်တယ်။
သူကစကာင်္ပူဆေးရုံတစ်ခုမှာလုပ်တာမဟုတ်ပါဘူး။ လူကြီးတွေကိုပြုစုစောင့်ရှောက်ရတဲ့အလုပ်တဲ့။
စာရေးသူလည်းစိတ်ဝင်စားသွားမိသည်။ သူကဆက်ပြောသည်။ စကာင်္ပူမှာကအားလုံးကအလုပ်ထဲကိုရောက်နေကြတယ်။
မိဘတွေကိုအိမ်မှာထားပြီးပြုစုစောင့်ရှောက်ချိန်မရကြဘူး။ အသက်ကြီးလာလို့ဘာမှမလုပ်နိုင်တာနဲ့
သူတို့ဆေးရုံ(လူအိုများစုစည်းရာဋ္ဌာန) ကိုပို့လိုက်ကြတယ်တဲ့။
စာရေးသူဖတ်ခဲ့ရသိခဲ့ရ ကြားခဲ့ရတဲ့အရာတွေမှာမိဘတွေကိုခုလိုမျိုးဆက်ဆံကြတာတွေကိုတွေ့ခဲ့ရပါတယ်။
စာရေးသူလည်းရင်ဘတ်တစ်ခုလုံးကွဲကြေခံစားရပါတယ်။ စာဖတ်သူတို့အားလုံးလည်း ခုလိုမဖြစ်အောင်မိဘကိုကြင်နာတဲ့စိတ်ထား
မိမိကိုငယ်စဉ်အခါကစောင့်ရှောက်ပြုစုခဲ့တာတွေကိုပြန်စဉ်းစားရင်း စိတ်ထဲမှာအလိုမကျတာရှိရင်တောင်
ငယ်ငယ်ကမိခင်ရင်ခွင်မှာ နို့ဆို့ခဲ့တုန်းကမိခင်ကိုခြေထောက်နဲ့ကန်ခဲ့တာတွေ၊ နို့ကိုသွားပေါက်ခါစကိုက်မိခဲ့တာတွေ၊
ဖခင်ကကျောပိုးပြီးပြေးဆော့ပေးခဲ့တာ တွေကို ပြန်စဉ်းစားရင်း မိဘများကိုသေတစ်ပန်သက်တစ်ဆုံးပြုစုစောင့်ရှောက်ပေးကြပါလို့တိုက်တွန်းရေးသားလိုက်ရပါသည်။
နေ၀င်းဇော်(မြန်အောင်)
No comments:
Post a Comment