ဘ၀တက္ကသိုလ်

           ရန်ကုန်တက္ကသိုလ်ဆိုတဲ့စာတန်းကိုတွေ့လိုက်ရပါသည်။ ယာဉ်ကြောတွင် ကားများကြပ်နေသဖြင့် ချိုးကွေ့ဖို့ကိုစောင့်လိုက်ရသည်။         အချိန်အနည်းငယ် လောက်ကြာသွားသည်။ ဟိုတစ်ချိန်တုန်းကနှင့်မတူ   ကားဆရာကလည်း စိတ်ရှည် လက်ရှည်နှင့်ရန်ကုန်မြို့တော်၏ယာဉ်ကြောကြပ်နေမှုကို    စောင့်ဆိုင်းလိုက်ပြီး ရန် ကုန်တက္ကသိုလ်ထဲသို့ကားကိုချိုးကွေ့လိုက်သည်။

      တွေ့ပါပြီ။ အဓိပတိလမ်းမကြီး၊  ဂျပ်ဆင်၊ RC ၊ သစ်ပုတ်ပင်စသည်ဖြင့်ဖြစ်လာခဲ့ ပြီးဘွဲ့နှင်းသဘင်ခန်းမရှေ့သို့ရောက်လာခဲ့သည်။   ကားကလမ်းပြပေးသောလူတစ် ယောက်၏လမ်းညွှန်ရာနေရာသို့ ပါကင်ထိုးလိုက်သည်။       ကားပေါ်ကဆင်းလိုက် သည်နှင့်တစ်ပြိုင်နက် တူညီဝတ်စုံဝတ်ထားသော      ကင်မရာကိုင်ထားသော အမျိုး သားတစ်ဦးနှင့် အမျိုးသမီးတစ်ဦးတို့ရောက်လာသည်။ သူတို့နှစ်ဦးအနားကိုရောက် လာပြီး ဓာတ်ပုံရိုက်လို့ရကြောင်းနှင့် ၎င်းတို့၏လိပ်စာကတ်ကိုပါထုတ်ပေးသည်။ စာ ရေးသူတို့မိသားစုလည်း နောက်ပြီးရင်ရိုက်ပါမည်ဟုပြောပြီး    ကားရပ်သည့်နေရာမှ လမ်းလျောက်ထွက်လာခဲ့ကြသည်။

        ရန်ကုန်တက္ကသိုလ်ကြီးကိုရောက်ဖူးချင်၍ စာရေးသူသတင်းစာပညာသင်တန်း တက်စဉ် ၂၀၀၆ခုနှစ်လောက်ကတစ်ခေါက်ရောက်ခဲ့သည်။   သင်တန်းတက်ဖော်စာ ရေးသူထက်အသက်ငါးနှစ်ခန့်ကြီးသောအကိုတစ်ဦးက သူရန်ကုန်တက္ကသိုလ်တက် ခဲ့စဉ်က နေထိုင်ခဲ့ရပုံ၊ ပျော်ခဲ့ရပုံများကို ပြောပြသဖြင့်စာရေးသူ ရန်ကုန်မှာနေစဉ်ကာ လပူဆာပြီး ရန်ကုန်တက္ကသိုလ်သို့လိုက်ပို့ခိုင်းခဲ့ပါသည်။

        စာရေးသူတို့သင်တန်းတက်သော တက္ကသိုလ်ရိပ်သာလမ်းသစ်ကနေ ရန်ကုန် တက္ကသိုလ်ဆီသို့ ခြေကျင်လျောက်သွားခဲ့ကြသည်။   သင်တန်းဖော်အကိုက သူတို့ နေခဲ့ရသောအိပ်ဆောင်၊ စာသင်ဆောင်တို့ကိုလိုက်ပြသည်။   ရုပ်ရှင်တွေ၊ ၀တ္ထုတွေ ထဲတွင်သာကြည့်ခဲ့ ဖတ်ခဲ့ရသော ကံ့ကော်ပင်တန်းရယ်၊ သစ်ပုတ်ပင်ကြီးရယ်၊ ဂျပ် ဆင်ရယ်၊ ဘွဲ့နှင်းသဘင်ခန်းမရယ် စသည်တို့ကိုကြည့်ခွင့် မြင်ခွင့်ရခဲ့သည်။ တော သားမြို့ရောက်ဖာလူဒါသောက်ဆိုတာ ဒါမျိုးဖြစ်မည်ထင်သည်။   ဦးချစ်လက်ဘက် ရည်ဆိုင်လို့ပြောလို့    စာရေးသူတို့လက်ဘက်ရည်တစ်ယောက်တစ်ခွက်ဝင်ကာ သောက်လိုက်ကြသည်။ စာရေးသူတို့တောကလက်ဘက်ရည်နှင့်တော့ သိပ်မကွာ သလိုပါပဲ။

     ရန်ကုန်တက္ကသိုလ်ကြီးကိုခုတစ်ကြိမ်ရောက်ခဲ့တာက ဒုတိယအကြိမ်ပြန်ရောက်ခဲ့ တာပါ။ စာရေးသူအဝေးသင်တက္ကသိုလ်နဲ့ဘွဲ့ရတုန်းကလည်း   အဝေးရောက်ဘွဲ့ကို သာယူခဲ့သဖြင့် မရောက်ခဲ့ဘူးပါ။ စာရေးသူ၏သမီးဖြစ်သူ   ဆေးဘက်ဆိုင်ရာနည်းပ ညာတက္ကသိုလ်မှ ဘွဲ့ယူဖို့  အကြောင်းဖြစ်လာ၍ရန်ကုန်တက္ကသိုလ်သို့ရောက်လာခဲ့ ကြခြင်းဖြစ်ပါသည်။ ရန်ကုန်တက္ကသိုလ်ကြီးက သက်ဝင်လှုပ်ရှားလို့နေသည်။ သက် မဲ့များဖြစ်သည့် ဘွဲ့နှင်းသဘင်ကြီးရယ်၊ ဂျပ်ဆင်ရယ်၊ RC ရယ်၊ သစ်ပုတ်ပင်ကြီးရယ် တို့က သက်ရှိများလှုပ်ရှားမှုကြောင့် သူတို့လည်းအသက်ဝင်လာကြသည်။     ယခု တစ်ကြိမ်ပြန်ရောက်တာက ၂၀၁၃ခုနှစ်ဖြစ်သည်။ ရှိရှိသမျှအသက်ဝင်နေသောသက် မဲ့များကိုနောက်ခံထားပြီးမိသားစုတစ်တွေ ဖုန်းကကင်မရာဖြင့် ဓာတ်ပုံရိုက်ကြသည်။ စာရေးသူ၏သမီးဖြစ်သူကတော့ ဓာတ်ပုံဆရာများနှင့်   သူ၏ဘွဲ့ယူသောပုံရိပ်များကို မှတ်တမ်းတွေတင်လို့နေပါသည်။

       စာရေးသူဘွဲ့နှင်းသဘင်ခန်းမထဲရောက်ပြီး အခမ်းအနားမစခင် လွန်ခဲ့သောနှစ် ပေါင်းနှစ်ဆယ်ကျော်က    အဖြစ်အပျက်များကိုပြန်လည်တွေးတောနေမိခဲ့သည်။ စာ ရေးသူတို့ဆယ်တန်းရောက်တော့     ၁၉၈၇-၁၉၈၈ ပညာသင်နှစ်၊ ကျောင်းတက်ပြီး သိပ်မကြာလိုက်ပါ။  အရေးအခင်းဖြစ်လို့ရက်(၅၀) လောက်ကျောင်းပိတ်သွားသည်။ ကျောင်းတွေပြန်ဖွင့်  ကျောင်းပြန်တက် စာသင်နှစ်ကုန်တော့ ဆယ်တန်းအတန်းတင် စာမေးပွဲကို ဧပြီလဆန်းပိုင်းလောက်မှာဖြေခဲ့ရာ အောင်မြင်အောင်မနည်းကြိုးစားဖြေ ခဲ့ရသည်။

     စာမေးပွဲတွေဖြေအပြီး ၈၈အရေးအခင်းကြီးကစတင်ပါပြီ။ နိုင်ငံခြားအသံလွှင်ဌာန များကလည်း သပိတ်မဖြစ်ဖြစ်အောင်  မြန်မာနိုင်ငံသားများကိုချိန်းပေးလိုက်ပါသည်။ အရေးအခင်းများကြောင့်    အထက်တန်းကျောင်းများတောင်ပိတ်ထားလိုက်ရသည်။ အရေးအခင်းကာလကြီးကို   ခါးသီးစွာကျော်ဖြတ်ခဲ့ရသည်။ အရပ်ထဲမှာ အလှည့်ကျ ကင်းစောင့်ကြရသည်။     သပိတ်မှောက်သူတွေကလည်း သပိတ်စခန်းများကိုဖွင့်ပြီး ဆောင်ရွက်နေကြသည်။

       စာရေးသူတို့လည်းအိမ်ရှေ့က ကင်းတဲမှာ လောက်လေးခွ၊ ဂျင်ကလိတို့အပြင် ဖခင်၏ငှက်ကြီးတောင်ဓားတို့ဖြင့် ကင်းစောင့်ကြရသည်။  ဘယ်ကလာမည်မှန်းမသိ သည့် ရန်သူဆိုတာကြီးကို သံချောင်းတွေခေါက်လိုက်၊    အော်လိုက်ဟစ်လိုက်ဖြင့်မ တည်ငြိမ်မှုတွေနှင့် ခံစားခဲ့ရသည်။ သပိတ်စခန်းများတွင်သပိတ်ခေါင်းဆောင်ဆိုလား ဘာဆိုလား ၊ လုပ်သေနတ်ကိုခါးမှာထိုးလျက်   တပည့်များက ခေါင်းမှာအနီရောင်ကို ပတ်လျက်မြို့ကိုကာကွယ်တာကိုလည်းစာရေးသူတွေ့ခဲ့ရသည်။    သပိတ်ကိုဖျက်စီး သည်ဟုသံသယရှိသူများကိုလည်း     ဘုရားတန်ဆောင်းများတွင် အချုပ်ခန်းသဖွယ် လုပ်ကာ ချုပ်နှောင်ထားသူများလည်းရှိခဲ့ပါသည်။

     စာရေးသူတို့နုနယ်တဲ့အရွယ် လမ်းပေါ်မှာခေါင်းကိုအနီရောင်ပတ်ပြီး ဒီမိုကရေစီ ရရှိရေး တို့အရေးလို့တိုင်ပေးသူကတိုင်ပေးတာကို  နောက်လူများက တို့အရေးလို့ လိုက်အော်သည်ကိုလည်းတွေ့ရသည်။    သပိတ်မှောက်သူများအတွက် ထမင်းထုပ် များကိုအိမ်များက တစ်အိမ်တစ်ထုပ်ပေးရသဖြင့် စာရေးသူတို့အိမ်ကလည်း ထမင်း ထုပ်ပေးရသည့်အထဲပါခဲ့ကြသည်။    စာရေးသူက ဘာမှနားမလည်သော်လည်း စာ ရေးသူ၏သူငယ်ချင်းတစ်ချို့     သပိတ်ထဲတွင်ပါခဲ့သည်ကိုတွေ့ရသည်။ သူတို့တစ် တွေကစာရေးသူထက်ပိုပြီးနိုင်ငံရေးအကြောင်းကိုသိသူများအဖြစ်စာရေးသူတွေးခဲ့မိ ပါသည်။

      အိမ်ရှေ့ကကင်းတဲမှာ ဘယ်ကတက်လာမှန်းမသိတဲ့ ရန်သူကိုစောင့်ရင်း လေးခွ တွေ၊ ဂျင်ကလိတွေနဲ့နေခဲ့ရသည်။     ညဖက်ကျတော့ရပ်ကွက်ထဲက မယ်ဒလင်တီး တတ်သူများကအရက်မူးမူးကလေးနဲ့ တီးဆိုလုပ်ကြပါသည်။     ပျော်လည်းပျော်ခဲ့ရ ပါသည်။ တစ်ချို့မြို့ပေါ်မှာရှိတဲ့ကင်းတဲများတွင် ဖဲဝိုင်းများ ၊ ဒိုးဇက်ဝိုင်းများ၊ လောင်း ကစားဝိုင်းများဖြင့် စည်ကားနေပါသည်။   ဒီလိုနဲ့ တပ်မတော်က တိုင်းပြည်ရဲ့အချုပ် အခြာအာဏာကို ထိန်းသိမ်းလိုက်ပါသည်။

       အရေးအခင်းကြီးလည်းငြိမ်သက်သွားသည်။ စာရေးသူလည်း တက္ကသိုလ်တက် ချင်စိတ်တွေက တစ်ဖွားဖွားဖြစ်ခဲ့သည်။    ထိုအချိန်က ခေတ်စားနေသော စာရေးဆ ရာ မောင်စိန်ဝင်း(ပုတီးကုန်း) ရဲ့ဝတ္ထုတွေကိုဖတ်ပြီး  စာရေးသူရန်ကုန်တက္ကသိုလ်ဆို တာကြီးကို စာအုပ်တွေထဲမှာရင်းနှီးနေမိသည်။  ဆရာ့ရဲ့ကဗျာတွေထဲမှာစီးမျောနေမိ သည်။ ဆရာရဲ့ကဗျာတွေထဲက  ကြိုက်နှစ်သက်သောကဗျာတစ်ပုဒ်ရှိခဲ့သည်။ ကဗျာ လေးက နွယ် တဲ့။

တစ်ပင်တည်း(ထဲ)

ရင်ထဲကနွယ်

ခက်ညွန့်သန် နုသစ်လို့

ရစ်ပတ်နှောင်တွယ်

သံယောဇဉ် ဆိုတာရယ်

နွယ်ကလေးတစ်ပင်ပေါ့-----

ရာသီတွေဘယ်လိုပြောင်းပေမဲ့

ခေါင်းထောင်လို့ကျော့။   ။

       ကဗျာပါတဲ့စာအုပ်ကလေးကိုရင်ဘတ်ပေါ်တင်ရင်း နွယ်ဆိုတာကိုလွမ်းမိသည်။ ဘယ်ကလာတဲ့နွယ်မှန်းတော့မသိ။     စာရေးသူရဲ့အရွယ်က သစ်ရွက်လေတိုက်လို့ လှုပ်တာကိုတောင်ရီတဲ့အရွယ်လေ။

        အထက်တန်းကျောင်းများကိုတောင်ပိတ်ထားလိုက်ရသဖြင့် တက္ကသိုလ်ဆိုတာ ကြီးက ဖွင့်ဖို့မလွယ်တော့ နွယ်ဆိုတာလည်းဘယ်ရောက်မှန်းမသိ။    စာရေးသူအိမ် မက်ခဲ့တဲ့တက္ကသိုလ်ကြီးကိုမတက်ခဲ့ရတော့ပါ။ ဘ၀တက္ကသိုလ် ဆိုတာကြီးကိုတက်ခဲ့ ရသည်။ ငယ်ရွယ်နုနယ်သောအရွယ်မှာ      ကြမ်းတမ်းမှုတွေနှင့်ကြုံခဲ့ရသည်။ ဆရာ မောင်စိန်ဝင်း(ပုတီးကုန်း) ရဲ့ နွယ်ဆိုတာကြီးကိုလည်းမလွမ်းနိုင်တော့ပါ။ ဘ၀တက္က သိုလ်ဖြစ်တဲ့ လုပ်ငန်းခွင်ကို ၁၈နှစ်သားမှာဝင်ခဲ့ရတယ်။ 

     လေးနှစ်လောက်ကျောင်းတွေပိတ်ထားခဲ့ပြီး ပြန်ဖွင့်တော့လည်း အဝေးသင်တက္က သိုလ်ဆိုတာကိုပဲတက်ခဲ့ရသည်။      ဘ၀တက္ကသိုလ်က ငွေရှာနည်းများကိုသင်ခဲ့ရပြီ လေ။ ခါးသီးစွာ တွေ့ကြုံခဲ့ရတဲ့ဘ၀တစ်ဆစ်ချိုးကို စာရေးသူနာကျဉ်းမိသည်။ အရေး အခင်းမှာ ရည်ရွယ်ချက်တွေမျှော်လင့်ချက်တွေပျက်ခဲ့ရသည်။ ခုတော့လည်းရန်ကုန် တက္ကသိုလ်ကြီးက သူနှင့်မဆိုင်သလိုစာရေးသူကို ဘွဲ့နှင်းသဘင်ခန်းမထဲမှာထိုင်ခွင့် ပြုလိုက်ပါသည်။

       ဒီလိုအဖြစ်ဆိုးမျိုးတွေကို စာရေးသူရဲ့မျိုးဆက်ဖြစ်တဲ့ သမီးကိုထပ်ပြီးမခံစားစေ ချင်ပါ။ သမီးသည်           ကံကောင်းစွာဖြင့် လူ့ဘ၀၏ပုံမှန်များဖြစ်သော မူလတန်း၊ အလယ်တန်း ၊ အထက်တန်းများကိုအောင်မြင်ပြီး  ရန်ကုန်ရှိ ဆေးဘက်ဆိုင်ရာနည်း ပညာတက္ကသိုလ်ကြီးကို သမီးတက်ခွင့်ရခဲ့သည်။ စာရေးသူပျော်ပါသည်။   စာရေးသူ မခံစားခဲ့ရသော     တက္ကသိုလ်ကျောင်းသားဘ၀ကို သမီးကိုအပြည့်အ၀ခံစားစေခဲ့ပါ သည်။

       ခုဆိုရင် စာရေးသူအိမ်မက်ခဲ့ရသော ရန်ကုန်တက္ကသိုလ်ကြီးထဲက နေရာတော် တော်များများကိုလည်းရောက်ခဲ့ရပြီ။    ရန်ကုန်တက္ကသိုလ်ကြီးထဲကဘွဲ့နှင်းသဘင် ခန်းမကြီးထဲမှာ စာရေးသူရဲ့ သမီးလေးက    ဆေးဘက်ဆိုင်ရာနည်းပညာဘွဲ့ကိုယူ နိုင်ခဲ့ပါသည်။ တည်ငြိမ်အေးချမ်းမှုရဲ့အရသာကို    စာရေးသူရဲ့မျိုးဆက်ဖြစ်တဲ့သမီး အပြည့်အ၀ရရှိလိုက်ပါသည်။   နောက်မျိုးဆက်များအားလုံးလည်း ဒီမိုကရေစီရဲ့အရ သာ၊ တည်ငြိမ်အေးချမ်းမှုရဲ့အနှစ်သာရတွေကိုခံစားနိုင်ကြစေချင်ပါသည်။    ဒီလိုမျိုး ဆက်တွေနဲ့ နိုင်ငံတော်ကြီးကိုတည်ဆောက်ချင်ပါသည်။      စာရေးသူတို့နိုင်ငံသား များအားလုံးက ၀ိုင်းဝန်းကူညီကြပါ။ အတူတစ်ကွ တစ်ယောက်နဲ့တစ်ယောက်အပြစ် မမြင်ကြဘဲ လက်တွဲဆောင်ရွက်သွားကြပါလို့ စာရေးသူကတိုက်တွန်းရေးသားလိုက် ရပါသည်။

 နေ၀င်းဇော်(မြန်အောင်)