ပညာအမွေပဲပေးနိုင်မယ်

              စာရေးသူ မိတ်ဆွေတစ်ယောက်၏ဆိုင်ကယ်ပြင်ဆိုင်သို့ဆိုင်ကယ်ပြင်ရန် သွားခဲ့သည်။ နေ့လယ်ပိုင်းဖြစ်နေသဖြင့်ဆိုင်ကယ်လာပြင်သည့်သူမရှိသလောက်ဖြစ် နေသည်။  စာရေးသူလည်းဆိုင်ကယ်ကိုဆိုင်အတွင်းသို့ထိုးလိုက်ပြီးဆိုင်ကယ်ပြင်ချင် သည့်အခြေအနေကိုအကျိုးအကြောင်းပြောပြကာ ပြင်ပေးဖို့ပြောလိုက်သည်။

             ဆိုင်ကယ်ပြင်ဆိုင်အတွင်းသို့စ၀င်ဝင်ချင်းမြင်ကွင်းကကြည်နူးစရာပါ။ မိတ် ဆွေကဆိုင်ကယ်ပြင်ဆိုင်ပိုင်ရှင်စက်ဆရာဖြစ်သည်။   တပည့်သုံးဦးနှင့်အတူဂျာနယ် တစ်ယောက်တစ်စောင်ကိုင်ကာဖတ်နေကြသည်။     စာရေးသူဆိုင်ကယ်ပြင်မည့်အ ကြောင်းပြောပြီး  ဆိုင်ကယ်ထိုးလိုက်သောအခါအားလုံးဖတ်လက်စဂျာနယ်များကိုချ ပြီးစာရေးသူ၏ဆိုင်ကယ်ကိုပြင်ဆင်ကြတော့သည်။

          စာရေးသူလည်း သူတို့စာထိုင်ဖတ်သည့်နေရာတွင်ဝင်ထိုင်ရင်းဂျာနယ်များကို လှန်လျောကြည့်နေမိသည်။ မိတ်ဆွေစက်ဆရာက  ဘယ်ဟာကိုဖြုတ်ရမည်ဘယ်လို လုပ်ရမည်စသည်ဖြင့်ညွှန်ကြားရင်းစာရေးသူအနီးလာထိုင်သည်။

         `ဆရာတပည့်တွေဂျာနယ်တစ်ယောက်တစ်စောင်နဲ့တယ်ဟုတ်နေပါလား´လို့ စာရေးသူကမိတ်ဆွေကိုပြောလိုက်တော့ မိတ်ဆွေက`ဟုတ်တယ်၊ အိမ်ကဂျာနယ်အ ဟောင်းတွေရောအသစ်တွေရောယူပြီး  ခုလိုအလုပ်အားတဲ့အချိန်လေးမှာစာဖတ်ခိုင်း နေရတာဟုပြောသည်။ ဆက်ပြီးတော့မိတ်ဆွေက   `သူတို့တစ်တွေကအတန်းပညာ ကိုဆုံးခန်းတိုင်အောင်မသင်ခဲ့ကြရဘူး၊       လေးတန်းလောက်အထိတော့သင်ဖူးကြ တယ်၊ အပြင်မှာတစ်ချို့အလုပ်တွေကိုလုပ်ရင်း  ကျွန်တော့်ဆီကိုရောက်လာတာ၊ သူ တို့ကျွန်တော့်ဆီမှာမှမဟုတ်ဘူး     ဘယ်နေရာမှာပဲလုပ်လုပ်အဆင်ပြေအောင်လို့စာ ဖတ်ခိုင်းနေရတာ´ ဟုပြောလာသည်။

           မိတ်ဆွေ၏ပြောစကားနှင့်စိတ်ကူးကိုစာရေးသူချီးကျူးမိသည်။ သူ့ဆီမှာဆိုင် ကယ်ပြင်သည့်ပညာလာသင်သည့်တပည့်များကို  ဆိုင်ကယ်ပြင်သည့်ပညာသာမက စာဖတ်ခြင်းအလေ့အကျင့်ကိုပါသင်ပေးနေသည်။ ကောင်းမွန်သည့်စိတ်ကူး၊ မွန်မြတ် သည့်စေတနာဖြစ်သည်။

              မိတ်ဆွေလည်းဆိုင်ကယ်ပြင်သည့်တပည့်များဖက်လှည့်ကာလိုအပ်သည် များကိုသူကိုယ်တိုင်ပြင်ပေးရင်းတစ်ခါတည်းသင်ပေးနေပြန်သည်။    အားလုံးလိုအပ် သည်များကိုပြင်ဆင်ပြီးသွားတော့ အရေးမကြီးသည့်ပြန်တပ်ဆင်ရမည့်အပိုင်းများကို တပည့်များကိုတပ်ခိုင်းကာစာရေးသူရှိရာထိုင်ခုံသို့ပြန်လာသည်။

                 စာရေးသူကလည်းမိတ်ဆွေကို`ခုလိုသူတို့တစ်တွေကိုစာဖတ်ခိုင်းတဲ့အ လေ့အကျင့်ဘယ်လိုရတာလဲ´လို့မေးလိုက်သည်။  မိတ်ဆွေက `ကျွန်တော်တို့မြို့ကို စာရေးဆရာတွေလာကြတယ်၊ စာပေဟောပြောပွဲတွေလုပ်တယ်၊      ဆွေးနွေးပွဲတွေ လည်းလုပ်ဖြစ်ကြတယ်၊ စာရေးဆရာတွေရဲ့တိုက်တွန်းချက်နဲ့ခုလိုစိတ်ကူးရသွားတာ ပါ´တဲ့။

                 နောက်ထပ်မိတ်ဆွေပြောတာက`သူတို့တစ်တွေကိုအားတဲ့အချိန်မှာစာ ဖတ်ခိုင်းထားတယ်၊   ကျွန်တော်လည်းသူတို့နဲ့အတူစာဖတ်တယ်၊ ပြီးတော့အားတဲ့အ ချိန်မှာဖတ်ထားတဲ့စာလေးတွေကိုအပြန်အလှန်ပြန်ပြီးပြောပြကြ၊  ဆွေးနွေးကြ၊ငြင်းခုံ ကြတယ်၊ အဲဒီအချိန်ဟာပျော်ဖို့အကောင်းဆုံးပဲ၊   သူတို့ကသူတို့ဖတ်ပြီးရလိုက်တဲ့အ သိကိုပြန်ပြောပြတယ်၊ တစ်ခါတစ်ရံတော့လွဲတာတွေရှိတာပေါ့၊ အဲဒီတော့လည်းကျွန် တော်ကပြန်တည့်အောင်ဆွေးနွေးပေးလိုက်တယ်၊  ခုနောက်ပိုင်းသူတို့စာဆတ်ရတာ ကိုပျော်နေကြပြီဗျ´လို့ပြောသည်။

          စာရေးသူရင်ထဲမှာလှိုက်ကနဲဖြစ်သွားသည်။ မိတ်ဆွေ၏ယခုလိုလုပ်ကိုင်ပေး နေသည့်မိတ်ဆွေ၏လုပ်ရပ်ကိုသာဓုခေါ်ပေးမိသည်။    မိတ်ဆွေတစ်ယောက်အလှူ ကြီးတစ်ခုပေးနေသည်ဟုစာရေးသူမှတ်ချက်ပြုပါသည်။   စာရေးသူ၏မိခင်ကစာရေး သူတို့မောင်နှမတစ်တွေကိုခဏခဏပြောသည့်စကားလေးရှိသည်။ `သားတို့သမီးတို့ ကိုအဖေတို့အမေတို့ကပစ္စည်းဥစ္စာအမွေမပေးနိုင်ဘူး၊         ပညာအမွေပဲပေးနိုင်မယ်၊  ပညာတတ်အောင်သင်ကြ´တဲ့။

            စာရေးသူတို့မြို့ကိုစာရေးဆရာများလာပြီးစာရေးသူတို့မြို့က နိုင်ငံရေးပါတီ တွေကလူငယ်များ၊     အရပ်ဖက်လူမှုရေးအဖွဲ့အစည်းများမှလူငယ်များနဲ့ဆွေးနွေးပွဲ လေးများကိုတစ်နှစ်တစ်ခါလုပ်ဖြစ်သည်။     ဆွေးနွေးပွဲမှာစာရေးဆရာအသင်းကဖွင့် လှစ်ထားတဲ့စာကြည့်တိုက်ရဲ့စာကြည့်တိုက်မှူးက       ကလေးတွေစာမဖတ်ကြဘူး၊ ဂိမ်းဆိုင်တွေ၊ အင်တာနက်ဆိုင်တွေမှာ  အချိန်ကုန်နေကြတယ်လို့စိတ်မကောင်းခြင်း ကြီးစွာဆွေးနွေးလာတော့ စာရေးဆရာတစ်ယောက်က   စာကြည့်တိုက်မှူးကိုပြန်ပြီး ဆွေးနွေးလိုက်တဲ့စကားကမှတ်သားစရာပါ။

            ကလေးတွေစာကြည့်တိုက်ကိုမလာတာကလေးတွေရဲ့အပြစ်တစ်ခုတည်းမ ဟုတ်ပါဘူး၊ လူကြီးတွေကစာကြည့်တိုက်ကိုသွားဖို့၊ စာဖတ်ဖို့မတိုက်တွန်းဘူး၊ သူတို့ ကိုယ်တိုင်ကလည်းစာမဖတ်ကြဘူး၊ စာကြည့်တိုက်ကိုမသွားဘူး၊  လက်ဦးဆရာတွေ ဖြစ်တဲ့မိဘနဲ့ဆရာတွေရဲ့သွန်သင်ဆုံးမမှုကြောင့်လို့ဖြေသွားပါတယ်။

            မှန်ပါသည်။ လက်ဦးဆရာတွေဖြစ်တဲ့မိဘနဲ့ဆရာများမှာလိုအပ်မှုပေါင်းများ စွာရှိနေပါသည်။ လောကကြီးကိုနောက်ထပ်မျိုးဆက်တွေရောက်လာကြဦးမည်။ ပထ မလောကကြီးထဲကိုရောက်လာတဲ့သူများက      နောက်မျိုးဆက်များကိုအမွေပေးခဲ့ရ မည်။ သမိုင်းကောင်းတွေချန်ထားပေးရမည်။ အသိနဲ့ယှဉ်တဲ့ပညာတွေကိုသင်ပေးကြ ရမည်။

             စာရေးသူရဲ့တပည့်တစ်ယောက်အကြောင်းအနည်းငယ်ပြောပြလိုပါသည်။ သူ့ကိုသူ့မိဘကကျောင်းထားပေးခဲ့သည်။          အလယ်တန်းလောက်အရောက်မှာ ကျောင်းဆက်မတက်ချင်တော့သဖြင့်ကျောင်းထွက်ပြီး   လယ်ထဲအလုပ်ကိုဝင်လုပ်ခဲ့ သည်။ နောက်မိန်းမရသည်။ ရသည့်မိန်းမကလည်း    အတန်းပညာမတတ်သလိုစာ လည်းမတတ်။ ဒီလိုနဲ့သူတို့တစ်တွေဘ၀ကိုပင်ပန်းစွာရုန်းကန်ရင်း  သူတို့ရဲ့မျိုးဆက် တွေဖြစ်တဲ့သားသမီးတွေမွေးဖွားကြသည်။

        အကြီးကောင်ကလေးတန်းသုံးခါကျလို့ကျောင်းထွက်ခိုင်းလိုက်သည်။ အလတ် မကတော့သေစာရှင်စာဖတ်တတ်ရင်တော်ပြီဆိုပြီး   ငါးတန်းအရောက်မှာကျောင်းက ထွက်ခိုင်းပြီး အိမ်မှာထမင်းဟင်းချက်ခိုင်းကလေးထိန်းခိုင်းလိုက်သည်။         အကြီး ကောင်ကိုတော့ တစ်နေ့တစ်ထောင်ရသည့်ပန်းရံအလုပ်သမားအဖြစ်ခိုင်းလိုက် သည်။ သူကတော့အရက်ကလေးတစ်မြမြ။

          တပည့်ကစာရေးသူ၏ဆန်စက်ထဲတွင်အလုပ်လုပ်ရင်း သူ့သားအကြီးကောင် အသက်တစ်ဆယ့်ရှစ်နှစ်သားလောက်မှာ    စာရေးသူ၏အလုပ်ထဲသို့ခေါ်ပြီးလာအပ် သည်။ သူနဲ့အတူတွဲလုပ်လိုက်သည်။ တစ်နေ့မှာတော့ စပါးအ၀င်အထွက်စာရင်းရေး နေကြ လုပ်သားအလုပ်မဆင်းသဖြင့် တပည့်ရဲ့   သားကိုခေါ်ပြီးစာရေးသူကရေးခိုင်း လိုက်သည်။ ဒီမှာတင်ပြဿနာတက်တော့သည်။ တပည့်၏သားစာလုံးဝမရေးတတ်။ စာရေးသူလည်းတော်တော်အံ့အားသင့်သွားသည်။

              တပည့်ကပြောတော့ သူ့သားလေးတန်းနှင့်ကျောင်းထွက်လိုက်ရသည်ဟု ပြောသည်။ လေးတန်းကျောင်းသားကစာလုံးဝမရေးတတ်တာကိုစာရေးသူကိုယ်တွေ့ ကြုံလိုက်ရသည်။ တပည့်ကိုမေးကြည့်တော့     `ဟုတ်တယ်အကိုရေ၊ ဘယ်လိုမှစာ သင်လို့မရလို့ကျောင်းထုတ်ထားလိုက်တာ´တဲ့။ ဟုတ်ပါ့မလား၊  စာသင်မရတာလား၊ မိဘကိုယ်တိုင်ကစိတ်မ၀င်စားတာလား၊  သင်ပေးခဲ့တဲ့ကျောင်းကဆရာဆရာမတွေပဲ တစ်ကယ်မသင်လိုက်ကြတာလားလို့ အတွေးနယ်ချဲ့နေမိသည်။

                သိပ်မကြာခင်မှာလုပ်သားတစ်ယောက်အလုပ်ထွက်သွားလို့နောက်ထပ် လုပ်သားတစ်ယောက်အသစ်ခေါ်လိုက်သည်။   အသစ်ရောက်လာသည့်လုပ်သားက တပည့်၏သားနှင့်မတိမ်းမယိမ်းပါ။ အသစ်ရောက်လာသည့်ကလေးရက်ကလေးနည်း နည်းရလာတာနှင့် စာရေးသူထိုလူငယ်ကိုစမ်းသပ်လိုက်သည်။       တိုက်ဆိုင်စွာသူ လည်းစာမတတ်ပါ။ ဘယ်သူ့မှာအပြစ်ရှိနေပြီလဲ။   မိဘတွေရော၊ ဆရာဆရာမတွေ ရောအိမ်နီးပတ်ဝန်းကျင်ကသူများမှာပါ အပြစ်ရှိနေပါပြီ။

            စာရေးသူလည်း မိမိမှာတာဝန်ရှိသည်ဟုခံယူပြီးနှစ်ယောက်စလုံးကိုစာဖတ် တတ်အောင်စာစသင်ပါတော့သည်။ စာရေးသူအားလပ်သည့်အချိန်များတွင်သူတို့ကို သင်ပေးသည်။ ကျန်သည့်လုပ်သားစာဖတ်တတ်သူများကိုတော့ သတင်းစာ၊ဂျာနယ် များဖတ်ခိုင်းပြီး သူတို့ကိုတော့ စာသင်ပေးလိုက်သည်။      သိပ်မကြာခင်မှာပဲပထမ တပည့်ရဲ့     ကလေးနှင့်တပည့်တို့နှစ်ယောက်စလုံးရန်ကုန်မှာအလုပ်လုပ်မည်ဆိုပြီး အလုပ်ကထွက်သွားကြသည်။ တပည့်ရဲ့ကလေး စာမဖတ်တတ်သေးပါ။

        စာရေးသူစိတ်မကောင်းခြင်းကြီးစွာဖြစ်ခဲ့ရသည်။ ဒီလိုမိဘမျိုးနဲ့နေရတဲ့သားသ မီးတွေစာရေးသူတို့နိုင်ငံမှာဘယ်လောက်တောင်များနေပြီလဲ။ သူတို့တစ်တွေရဲ့ဘ၀ ကသနားစရာတကယ်ကောင်းသည်။ ခေတ်စားနေသည့်ကိုရီးယားဇာတ်လမ်းတွဲများ ကိုကြည့်လျှင်သူများစာဖတ်ပြမှသူတို့သိကြရသည်။ ရင်နာစရာကောင်းလိုက်သည့်အ ဖြစ်များပါ။ အများသူငါအသုံးပြုကြသောသန့်စင်ခန်းများကိုသွားရင်တောင်   ကျား/မ ခွဲထားတာမဖတ်တတ်သည့်အဖြစ်များပါ။       မျက်လုံးကောင်းနေပါရဲ့နဲ့ကန်းနေကြ သည်ဟုစာရေးသူကပြောချင်ပါသည်။

               စာရေးသူတို့မြို့မှာကျောင်းပြင်ပသင် မူလတန်းပညာရေးကျောင်းတွေထူ ထောင်ပြီးသင်ပေးနေသည်။ ကူညီကြသူထောက်ပံ့ကြသူတွေကများသည်။   ဆရာမ လေးတွေကလည်းကြိုးစားပမ်းစားသင်ပေးကြသည်။     ဆရာမများက ကျောင်းသား ကျောင်းသူလေးများကိုမုန့်များဝယ်ကျွေးပြီးတောင်  သင်ပေးတာကိုစာရေးသူတွေ့ဖူး သည်။

                    စာသင်ကျောင်းတွေကိုမိဘတွေကိုယ်တိုင်ကလွှတ်ပေးဖို့လိုနေပါပြီ။ ကျောင်းပြင်ပပညာရေးမှာသင်တန်းစဖွင့်ခါစက ကျောင်းသားများအများအပြားတက် ကြသော်လည်းနောက်ပိုင်းစာသင်နှစ်ကုန်သောအခါမှာ နှစ်ယောက်သုံးယောက်သာ ကျန်တော့သည်ကိုစာရေးသူလက်တွေ့သိခဲ့ရသည်။  စာရေးသူလေ့လာကြည့်တော့ တာဝန်ရှိသူတွေ၊ ဆရာဆရာမတွေဖက်က    အားကြိုးမာန်တက်ရှိသော်လည်း မိဘ များဖက်က အားနည်းချက်များရှိနေသည်ကိုတွေ့ခဲ့ရသည်။

              စာရေးသူနိဂုံးချုပ်ပါမည်။ စာရေးသူတို့နိုင်ငံရေးပညာရေးစနစ်ပြောင်းလဲဖို့ အမှန်တကယ်လိုအပ်နေပါပြီ။ အားလုံးကလည်းဝိုင်းဝန်းလုပ်ဆောင်နေကြပါပြီ။ နိုင်ငံ တစ်နိုင်ငံရဲ့ဖွံ့ဖြိုးတိုးတက်ဖို့ ပညာရေးကဏ္ဍဟာအမှန်တကယ်အရေးကြီးကြောင်းကို လည်းသိမြင်နေကြပါပြီ။ စာရေးသူတို့လူမျိုးတွေပညာတတ်ဖို့၊ ပညာတွေတတ်ပြီးရင် လည်း ပညာတွေကိုအသုံးချဖို့ ၊ ပြန်ပြီးဝေငှဖို့ ၊   နိုင်ငံတော်အတွက်အကျိုးပြုဖို့နဲ့စာ တတ်သူများကလည်းစာတွေဖတ်ကြရင်း  နောက်မျိုးဆက်များကိုမြေတောင်မြှောက် ပေးဖို့တိုက်တွန်းလိုက်ပါရစေဗျာ။   

             ။

နေ၀င်းဇော်(မြန်အောင်)

Enter တစ်ချက်ခေါက်လိုက်ရုံဖြင့်

စာရေးသူ မိတ်ဆွေတစ်ယောက်၏ကွန်ပျူတာအင်တာနက်ဆိုင်သို့အင် တာနက် Wifi ကိစ္စဖြင့်ရောက်ခဲ့သည်။ မိတ်ဆွေက အင်တာနက်ဆိုင်ဖွင့်ထားပြီး Wifi ဖြင့်မြို့တွင်းသို့ ပြန်လည်ဖြန့်ဝေပေးထားသည်။     သူက Sky Net ဗန်းကိုတပ်။ စက် တွေနဲ့။ ၀ါးလုံးတွင်ဗူးလေးကိုတပ်ကာ  မြို့ထဲကအင်တာနက်သုံးသည့်အိမ်များသို့ပြန် လွှင့်။ စာရေးသူအတွက်တော့ သိပ္ပံရုပ်ရှင်ကားတစ်ကားကြည့်နေရသလို။

                  မိတ်ဆွေတစ်ယောက်ဗူးတွေ၊ ကွန်ပျူတာတွေနှင့်အလုပ်ရှုတ်နေတုန်း စာရေးသူမျက်စေ့ကစားလိုက်ရာ   အသက် ၁၂နှစ်အရွယ်ကလေးနှစ်ယောက်ကွန်ပျူ တာရှေ့မှာ မောက်နှင့်ကီးဘုတ်ကိုကျွမ်းကျင်ပိုင်နိုင်စွာထိန်းသိမ်းရင်း  အလုပ်များနေ ကြသည်။

                     စာရေးသူထိုကလေးနှစ်ယောက်ကိုစိတ်ဝင်စားသွားသည်။ ဒီအရွယ် လေးတွေနှင့်ကွန်ပျူတာဆိုတာကြီးကိုသူတို့အရည်ကျိုသောက်နေကြပြီ။   စာရေးသူ တို့ထိုအရွယ်လောက်တုန်းက ကွန်ပျူတာနှင့်ခပ်ဆင်ဆင်တူသည့်  ဂဏန်းပေါင်းစက် ကိုတောင်မကိုင်တတ်သေး။

                ကလေးနှစ်ယောက်မှာတစ်ယောက်ကဂိမ်းဆော့နေသည်။ ဒီအရွယ်ဂိမ်း ဆော့တတ်တာ ခုခေတ်မှာအဆန်းမဟုတ်တော့။   စာရေးသူ၏တူတော်မောင်ရှစ်နှစ် သားတောင်ဂိမ်းဆော့တတ်နေပြီ။    နောက်ကလေးတစ်ယောက်ကိုကြည့်မိချိန် အင် တာနက်ဝက်ဆိုက်များကိုဖွင့်ထားပြီး   နောက် New Tab တစ်ခုမှာယနေ့မြန်မာနိုင်ငံ မှာလူသုံးများနေတဲ့   လူမှုကွန်ယက်စာမျက်နှာဖေ့စ်ဘုတ်ကိုဖွင့်ကာ အသုံးပြုနေတာ ကိုတွေ့ရသည်။

                 သူကအင်တာနက်ဝက်ဆိုက်များမှ သတင်းနှင့်နည်းပညာများကိုကြည့် လိုက်၊ ဖေ့စ်ဘုတ်စာမျက်နှာများဆွဲချလိုက်ဖြင့်  တကယ့်လူကြီးတစ်ယောက်ပမာပြုမူ ဆောင်ရွက်နေသည်။ ဒီအရွယ်ကတည်းကကွန်ပျူတာကိုကျွမ်းကျင်၊    အင်တာနက် ၀က်ဆိုက်များကိုလေ့လာတတ်နေသောကလေးသည်     နောက်တစ်ချိန်နည်းပညာ တစ်ခုခုကိုစိတ်ဝင်စားသွားနိုင်သည်။ သူကနေ အခြားကလေးများကိုပြန်လည်ဖြန့်ဝေ နိုင်သည်။ လူကြီးများကတည့်မတ်ပေးနိုင်လျှင်သူသည်   နည်းပညာရှင်တစ်ယောက် ဖြစ်လာနိုင်သည်။

                  သူသည်နိုင်ငံတစ်ကာသုံး အင်္ဂလိပ်စာကိုပါ ကျွမ်းကျင်ပါက မည်သည့် အကြောင်းအရာကိုမဆိုသူလေ့လာသွားနိုင်ပြီ။  Enter တစ်ချက်ခေါက်လိုက်ရုံဖြင့်သူ သိချင်သောအချက်အလက်များကို  သူအလွယ်တကူသိနိုင်မည်။ အကြောင်းအရာအ မျိုးမျိုးကိုသိနေသော သူ့ကိုလည်း သိချင်တာရှိပါက မေးလိုက်ရုံပင်။ သူသည်ဗဟုသု တဟင်းလင်းအိုးကြီးဖြစ်သွားမည်။

                 စာရေးသူတို့အရွယ်လောက်ကိုသူရောက်သွားချိန်မှာ သူ့ကိုကွန်ပျူတာ အား Enter ခေါက်ပြီးမေးလိုက်သလိုမျိုး  သူ့ကိုလည်း Enter တစ်ချက်ခေါက်လိုက်ရုံ ဖြင့် အားလုံးသိနေသော။    ဘာသာရပ်တစ်ခုထဲမှာ စပါယ်ရှယ်လစ်တစ်ယောက်ဖြစ် နေနိုင်သည်။

                 စာရေးသူ ကလေးနှစ်ယောက်ကိုကြည့်ရင်းအတွေးဝင်နေစဉ် မိတ်ဆွေ ကပြီးပြီ။ အိမ်ကျရင်ကွန်ပျူတာထဲမှာဂဏန်းတွေကိုရိုက်ထည့်ပြီး  ၀ါးလုံးမှာဗူးတွေကို ချည်။ Direction ကိုကျွန်တော်လွှင့်ထားတဲ့ဖက်ကို      လှည့်ထားရင်ခင်ဗျားအင်တာ နက်သုံးလို့ရပြီလို့ ပြောလိုက်သည်။

                ကွန်ပျူတာဆိုင်က မိတ်ဆွေဆိုသည်က စာရေးသူထက်၁၀နှစ်လောက် ငယ်သည်။ သူ့ရဲ့ကျွမ်းကျင်မှုတွေ၊   နည်းပညာတွေနှင့်နေရာတစ်ခုမှာရပ်တည်နေပြီ။ တပည့်များမွေးထားပြီး ပညာတွေကိုဖြန့်ဝေပေးနေသည်။ မိတ်ဆွေရဲ့ဆိုင်မှာအင်တာ နက်သုံးနေသည့်ကလေးက သူ့ထက်အသက်နှစ်ဆယ်လောက်ငယ်သည်။ ဒီကလေး တွေနောက်အနှစ်နှစ်ဆယ်လောက်ဆိုရင် မိတ်ဆွေထက်သာမှာသေချာနေသည်။

                 စာရေးသူကစာရေးတယ်။ အခမ်းအနားတွေမှာ ဖိတ်ရင်စကားပြောပေး ရတယ်။ သင်တန်းတွေမှာ      တစ်ခါတစ်ရံနည်းပြတစ်ယောက်အဖြစ်ဆွေးနွေးပေးရ တယ်။ စာရေးသူငယ်စဉ်ကတည်းကဖတ်လာခဲ့တဲ့စာတွေ၊        အတွေ့အကြုံတွေနဲ့ စာရေးတာ၊ စကားပြောတာ၊ သင်တန်းပို့ချတာတွေလုပ်တဲ့အခါမှာ ဒါတွေကကြာကြာ မခံပါဘူး။ ခဏလေးနဲ့တင်သိတဲ့အသိတွေ ကုန်သွားမှာပါ။

                စာရေးသူတို့စာရေးဖို့အတွက်စာတွေများများဖတ်ရတယ်။ အင်တာနက် နဲ့အဆက်အသွယ်ပြတ်လို့မရဘူး။  အကြောင်းအရာတစ်ခု၊ ဒါမှမဟုတ်ရသစာပေရေး ဖို့အတွက် ရေးချင်တဲ့အကြောင်းအရာကိုနယ်မြေအထိသွားပြီး လေ့လာသင့်လေ့လာ ရတယ်။ ဒီလိုမှမဟုတ်ရင်စတော်ဘယ်ရီပင်အောက်မှာချစ်သူနဲ့ချိန်းတွေ့တဲ့စာမျိုးဖြစ် သွားမှာပါ။

                စကားပြောဖို့အတွက်လည်းကြိုတင်ပြင်ဆင်ရတယ်။ ကိုယ်တက်ရမဲ့အ ခမ်းအနားကဘယ်လိုအခမ်းအနားမျိုးလဲကြိုလေ့လာရတယ်။ ပြုလုပ်တဲ့အခမ်းအနား ကကိုယ်နဲ့မနီးစပ်တဲ့အကြောင်းအရာဆိုပါစို့။ ဒါဆိုရင်ဒီအကြောင်းအရာတွေကိုဘယ် သူသိနေနိုင်လဲ။ ဆရာတင်သင့်ရင်တင်ရပါတယ်။ ဆရာရှာမရရင်စာအုပ်ရှာရပါတယ် ။ နောက်ဆုံးကိုယ်သိချင်တဲ့အကြောင်းအရာတွေကို ဘယ်မှာမှရှာမရတော့ဘူးဆိုရင် ကွန်ပျူတာအင်တာနက်မှာ Enter ခေါက်ရပါတော့တယ်။

                 သင်တန်းနည်းပြအဖြစ်ဆွေးနွေးရာမှာပိုသတိထားရပါတယ်။ သင်တန်း သားတွေထဲမှာကိုယ့်ထက်ပိုသိပိုတတ်တဲ့သူတွေပါလာနိုင်တယ်။     ကိုယ်ဆွေးနွေးမဲ့ အကြောင်းအရာကိုသေချာလေ့လာ။      အကိုးအကားအထောက်အထားခိုင်လုံဖို့စာ တွေရှာဖတ်။ သင်ကြားဆွေးနွေးမဲ့အကြောင်းအရာကိုကြိုတင်စုဆောင်းပြုစု။  နောက် ဆုံးကိုယ်ဆွေးနွေးမဲ့သင်ခန်းစာအတွက်လိုအပ်ချက်တွေကို     ကွန်ပျူတာမှာ Enter ခေါက်ရတော့တာပါပဲ။

                     စာရေးသူတို့လူမျိုးက အသက်ကြီးလာရင်ပုတီးစိပ်မယ်။ တရားထိုင် မယ်။ တရားစခန်းဝင်မယ်။ တရားစာအုပ်တွေဖတ်မယ်။  အလွတ်ကျက်မယ်။ လူရှေ့ သူရှေ့ကျက်ထားတာတွေရွတ်ပြမယ်။ အေးအေးလူလူပဲနေတော့မယ်။    သိချင်တာ တွေကိုသွားမေးရင် မင်းတို့ခေတ်အကြောင်းငါတို့မသိတော့ပါဘူးကွာ။   အေးအေးလူ လူပဲနေတော့မယ်လို့ပြောတတ်သည်။    ထိုင်ဝမ်စာရေးဆရာမတစ်ယောက်ကသူ့ကို အိမ်တစ်အိမ်ထဲမှာကာလကြာမြင့်စွာပိတ်လှောင်ထားပါ။ ဒါပေမဲ့ သူ့ကိုနေ့စဉ်ထုတ် သတင်းစာတစ်စောင်ပဲဖြစ်ဖြစ်၊ ဂျာနယ်တစ်စောင်ပဲဖြစ်ဖြစ်ပုံမှန်ပေးဖတ်ပါ။ သူဟာ ဘယ်တော့ဖြစ်ဖြစ်ခေတ်နဲ့အဆက်အသွယ်မပြတ်ပါဘူးတဲ့။

                     လူကြီးတွေတရားဘာဝနာပွားများတာကို အပြစ်ပြောတာမဟုတ်ပါ။ ခေတ်ကိုလိုက်လို့မီိအောင်စာဖတ်ဖို့တော့လိုပါတယ်။    အမေရိကန်နိုင်ငံကသက်ကြီး ရွယ်အိုများဟာစာဖတ်နေဆဲပါလို့ စာရေးဆရာတစ်ယောက်ပြောတာကြားခဲ့ဖူးတယ်။ လူကြီးသူမများအင်တာနက်မသုံးတတ်လို့ Enter    မခေါက်တတ်ရင်တောင် စာဖတ် ခြင်းဆိုတဲ့ Enter ကိုခေါက်ပေးကြပါ။

                   စာရေးသူတို့နိုင်ငံသားတွေကြိုးစားကြဖို့လိုပါပြီ။ ယခုရက်ပိုင်းအတွင်း သတင်းစာတစ်စောင်မှာဖတ်လိုက်ရတာက အီရန်နိုင်ငံမှာ   အင်တာနက်သုံးသူရှစ်ဦး ကို အမှုဖွင့်အရေးယူလိုက်တယ်ဆိုတဲ့သတင်းဖြစ်ပါတယ်။   စာရေးသူတို့နိုင်ငံမှာအင် တာဆိုတာကြီးကို ပွင့်ပွင့်လင်းလင်း သုံးလို့ရနေပါတယ်။ ဖေ့စ်ဘုတ်မှရေးချင်တာရေး လို့လည်းရတယ်။ နောက်ပြီးမရိုသေ့စကားဆဲချင်ရင်တောင်ဆဲနိုင်သေးတယ်။

                   ဒါကိ်ုတောင်မြန်မာပြည်မှာနေရတာ မလွတ်လပ်ဘူးလို့ ပြောတဲ့သူက ပြောနေကြပါသေးတယ်။ အင်တာနက်ကိုသုံးပါ။      တလွဲဆံပင်မကောင်းစေချင်ပါ။ ကွန်ပျူတာအင်တာနက်က  ကိုယ်သိချင်တဲ့အကြောင်းအရာတွေကို Enter တစ်ချက် ခေါက်လိုက်ရုံဖြင့် သိနေနိုင်သလိုမျိုး။ စာရေးသူတို့အားလုံးဆီမှာလည်းဘယ်အချိန် ဖြစ်ဖြစ် Enter ခေက်လိုက်ပါက သိနေနိုင်အောင် ကြိုးစားကြပါလို့တိုက်တွန်းရင်း----------

နေ၀င်းဇော်(မြန်အောင်)

ပန်းပျိုးလက်များ

ပန်းပင်ကိုပြုစုပျိုးထောင်သောသူများရဲ့စိတ်က နူးညံ့တယ်။ သိမ်မွေ့ တယ်။ လှပတဲ့ပန်းပင်ကလေးတွေကနေ ပွင့်ဖူးလာကြမဲ့ပန်းကလေးတွေကိုမျှော်လင့် ချက်များစွာနဲ့စောင့်စားပြီး ဘာမျှော်လင့်ချက်မရှိဘဲရေလောင်းပေါင်းသင်လုပ်ကြ တယ်။ သူတို့တစ်တွေရဲ့ရင်ခုန်သံတွေဟာ ဘယ်တော့မှ တိုင်ပင်လွဲမသွားဘူး။ အမြဲ တမ်းစည်းချက်မှန်မှန်ခုန်နေတယ်။

                ကျွန်တော် ဘုန်းတော်ကြီးသင်ပညာရေးကျောင်းလေးတစ်ကျောင်းကို အမှတ်မထင်ရောက်ခဲ့တယ်။ သွားတာကမိတ်ဆွေတစ်ယောက်ကအကူအညီ တောင်းလို့ကျောင်းသားလေးတစ်ယောက်ရဲ့ ကျောင်းထွက်လက်မှတ်သွားတောင်း တာပါ။

                ကျောင်းကိုရောက်တော့ အဆောင်လေးကသေးသေးလေး။ ကျောင်း ဆရာတစ်ယောက်ကကျွန်တော့်ကိုထိုင်စရာနေရာပေးတယ်။ ဆရာတွေဆရာမလေး တွေက အတန်းစုံကိုအော်ဟစ်ပြီးစာသင်နေကြတယ်။ သူတို့စာသင်နေတဲ့ပုံက ဧည့် သည်လာလို့သင်ပြနေတဲ့ပုံမျိုးမဟုတ်ဘူး။ ကျောင်းတစ်ကျောင်းကို ပညာရေးဌာနက တာဝန်ရှိသူတွေလာစစ်မှာမို့ အတော်ဆုံးကလေးကို ကွန်ပျူတာနဲ့ ကျေးဇူးတင်ပါ တယ်ဆိုတဲ့စာလုံးရိုက်ခိုင်း၊ မင်္ဂလာပါလို့စာစီခိုင်း၊ အင်္ဂလိပ်လိုနုတ်ဆက်ခိုင်းတဲ့ဟန်ပြ ကျောင်းတစ်ကျောင်းမဟုတ်တာတော့သေချာပါတယ်။

                ကလေးတွေရဲ့အော်ဟစ်ပြီး စာအံနေတဲ့ပုံကိုကြည့်ရတာစာကလေး တွေသစ်ပင်ပေါ်မှာ တွတ်ထိုးနေတဲ့ပုံနဲ့တူလိုက်တာ။ ကျွန်တော်လည်းသူတို့လေး တွေကိုငေးကြည့်နေရင်း ကျောင်းဆရာက ကျောင်းထိုင်ဘုန်းကြီးဆီကိုခေါ်တာနဲ့ ဆရာတော်ဆီကိုလိုက်သွားခဲ့တယ်။ ဆရာတော်ကရေနွေးနဲ့စားစရာဧည့်ခံပြီး လက် မှတ်ထိုးပေးလိုက်တယ်။

                ကျွန်တော်ဘုန်းတော်ကြီးသင်ကျောင်းက အပြန်မှာအတွေးတွေဝင်လာ တယ်။ ကလေးတွေဒီလောက်တောင်ရပ်ကွက်တွေထဲမှာမူလတန်းကျောင်းတွေများ နေရဲ့သားနဲ့ဘာဖြစ်လို့ဘုန်းတော်ကြီးသင်ပညာရေးကျောင်းမှာပညာသင်နေရသလဲဆိုတဲ့ အတွေးပါ။

                အစိုးရကလုပ်ပေးထားတာ မူလတန်းအခမဲ့ပညာရေး၊ ခုအလယ်တန်း အခမဲ့ပညာရေးဆိုပြီး ကျောင်းနေအရွယ်ကလေးတွေကျောင်းတက်နိုင်အောင်စာသင် ခန်းထဲရောက်အောင်လုပ်ပေးနေပြီ။ အစိုးရကျောင်းတွေမှာလည်းအခမဲ့ပညာရေး၊ ဘုန်းတော်ကြီးသင်ပညာရေးကျောင်းမှာလည်း အခမဲ့ပဲ။ ဘာကွာလို့အစိုးရကျောင်း တွေမှာကျောင်းမထားကြဘဲ ဘုန်းကြီးကျောင်းမှာလာထားတာလဲပေါ့။

                ဘုန်းတော်ကြီးသင်ပညာရေးကျောင်းတွေကရောလိုလားပေါ့။ မလိုရင် ဘာဖြစ်လို့ထားမှာလဲ။ အပိုအလုပ်တွေလုပ်နေတာလား။ ဒီဘုန်းတော်ကြီးသင်ပညာ ရေးကျောင်းတွေကကျောင်းဆရာဆရာမတွေကရောတကယ်တတ်ရဲ့လားလို့ ထင်မိ ပြန်ရော။ ဒါနဲ့ဘုန်းတော်ကြီးသင်ပညာရေးကျောင်းတွေဘယ်တုန်းကစတာလဲဆိုတာ လေ့လာခဲ့မိတယ်။

                              ဘုန်းတော်ကြီးသင်ပညာရေး

မြန်မာနိုင်ငံရဲ့   ပညာရေးသမိုင်းကြောင်းကို   ကောက်ကြောင်းပြန်၍ကောက်ပြရလျှင်  မြန်မာသက္ကရာဇ် ၁၂၃၀-ခု၊  ခရစ်သက္ကရာဇ်  ၁ဂ၆၈-ခုနှစ်ထိ မြန်မာနိုင်ငံ ၌  ဘုန်းတော်ကြီးသင်  ပညာရေးကျောင်းများသာရှိပြီး၊ လူကျောင်း (အစိုးရ စာသင်ကျောင်းမျိုး)ဆိုတာ တစ်ကျောင်းတလေမျှ မရှိသေးကြောင်းကို သမိုင်းစာမျက်နှာ၌ ရှာဖွေတွေ့ရှိခြင်းပါ။

                  စိတ်ဝင်စားစရာပါ။ သမိုင်းဆိုတာ မသိရင် လှည့်စားခံရတတ်ပြီး၊ သိထား ရင်တော့  ယုံကြည်ချက်တွေ ခိုင်မြဲလာနိုင်ခြင်းပါ။ သမိုင်းနှင့်စပ်ပြီး  နမူနာလေးတစ်ခုလောက်ကို  ထုတ်ပြရရင်  ဧရာဝတီသမိုင်းကို  လေ့လာတဲ့အခါ မေခနှင့်မလိခ  မြစ်နှစ်သွယ်ပေါင်းစည်းရာမှ  ဧရာဝတီမြစ်ကြီးဆိုတာ  ဖြစ်ပေါ်လာခြင်းပါ။  ထိုမြစ်ကြီးက တိုင်းပြည်ကို အကျိုးပြုနေလို့ ဧရာဝတီမြစ်ကြီးကို မြန်ပြည်သားတိုင်းက မြတ်နိုးနေခြင်းပါ။ အလားတူတဲ့ သမိုင်း တစ်ခုက  မြန်မာနိုင်ငံရဲ့  ပညာရေးသမိုင်းပါ။ မြန်မာနိုင်ငံရဲ့  ပညာရေးသမိုင်းကို အခြေခံကျကျသိဖို့ သမိုင်းစာမျက် နှာများကို  ပြန်လှန်ကြည့် ရှုတဲ့အခါ  မြန်မာနိုင်ငံရဲ့   ပညာရေးသမိုင်းဟာ  ဗုဒ္ဓဘာသာနှင့်  ဘုန်းတော်ကြီးသင် ပညာရေးကျောင်းများ အတူပေါင်းဆုံရာမှ မြန်မာနိုင်ငံပညာရေးသမိုင်းဆိုတာ ပီပြင်လာခြင်းပါ။

                ဘုန်းတော်ကြီးသင် ပညာရေးကျောင်းများသမိုင်းကိုအနည်းငယ်လေ့ လာပြီးချိန်မှာ ဘုန်းတော်ကြီးသင်ကျောင်းကဆရာမတစ်ယောက်နဲ့စကားပြောဖြစ်ခဲ့ တယ်။

ကျွန်တော်---- ဆရာမတို့မှာ ကလေးတွေကိုစာသင်ပေးရတော့ ဆရာမတို့မှာဆရာ ဖြစ်သင်တန်းမျိုးတက်ရတာရှိလား။

ဆရာမ----     ကျွန်မတို့ မန္တလေးမှာသင်တန်းတက်ခဲ့ပြီး စာတွေ့ကိုဦးစားမပေးဘဲ လက်တွေ့ကိုဦးစားပေးသင်ခဲ့ကြရတယ်။

ကျွန်တော်---    အစိုးရကျောင်းတွေလည်းအခမဲ့သင်ပေးနေရဲ့သားနဲ့ ဘကကျောင်း တွေကတကယ်လိုအပ်သေးလို့လားဆရာမ။

ဆရာမ----          လိုအပ်ပါတယ်။

ကျွန်တော်-----      လိုအပ်တဲ့အကြောင်းလေးနည်းနည်းရှင်းပြလို့ရမလားဆရာမ။

ဆရာမ-----         ရပါတယ်။ ကျွန်မတို့ကျောင်းမှာကျောင်းလာအပ်တဲ့ကလေးတွေ ရဲ့မိဘတွေက တကယ်ကိုလက်လုပ်လက်စားမိသားစုတွေများတယ်။ သူတို့မှာနေရာ အတည်တကျမရှိဘူး။ ကလေးကိုဘုန်းကြီးကျောင်းမှာအပ်ခဲ့ပြီး သူတို့တစ်ခါတစ်လေ တစ်လလောက်ပျောက်သွားတတ်တယ်။ ဒီအချိန်မှာဘုန်းကြီးကကျွေးထားရတယ်။ တစ်ခါတစ်လေ ကလေးတစ်ယောက်ဆိုရင်တစ်ပတ်လောက်ရေမချိုးဘဲဒီအ၀တ်အ စားနဲ့ပဲနေလို့ကလေးကိုမေးကြည့်လိုက်တော့ သူ့အမေဖျားနေတာတစ်ပတ်လောက် ရှိနေပြီ။ အဖေကလည်းအိမ်ကိုပြန်မလာနိုင်တော့ ဒီအတိုင်းပဲအ၀တ်ကိုဝတ်ထားရ တာလို့ပြောပြဖူးတယ်။ ဒါနဲ့ကျွန်မလည်းမနေနိုင်တာနဲ့အိမ်ကမောင်လေးအိကျီ င်္ကိုယူ လာ၊ ကလေးကိုရေချိုးခိုင်းပြီး အကျီ င်္လဲခိုင်းလိုက်ရတယ်။ ကျွန်မတို့ဘကကျောင်း ဆရာမတွေရဲ့ဘ၀ကဒီလိုပါပဲ။

                နောက်ကျွန်မတို့မှာကျူရှင်ဆိုတာဝေးလို့ ကလေးတွေမတတ်မှာစိုးလို့ ကျောင်းမှာစာအော်သင်လိုက်ရတာ ညနေအိမ်ပြန်ရောက်ချိန်ဆိုအသံကမထွက်ချင် တော့ဘူး။ အတန်းတွေကလည်းဒီအဆောက်အအုံကျဉ်းကျဉ်းလေးထဲမှာ သူများအ တန်းတွေကအသံတွေကိုကျော်အောင် အော်သင်ရတာလေ။

                ကျွန်မကျောင်းဖွင့်ရက်တွေမှာ နေ့လယ်ထမင်းစားရင်စိတ်မကောင်းစ ရာတွေလည်းတွေ့ရတတ်တယ်။ တချို့ကလေးကအိမ်ကိုမပြန်ဘူး။ သောက်ရေအိုး ထဲကရေကိုသောက်ပြီးဘုန်းကြီးကျောင်းထဲကိုပတ်ရှောက်ဆော့တော့တာပဲ။ ကျွန်မ တို့ဆရာတွေထမင်းစားတာကိုမျှော်တဲ့ကလေးကလည်းမျှော်နေသေးတယ်လေ။

                မြို့ထဲကကျောင်းတွေမှာတော့ မိဘတွေကအပြိုင်အဆိုင်ပုဇွန်ထုပ်ကြီး နဲ့ထမင်းထုပ်လာပြီး အပြိုင်အဆိုင်ကျွေးနေချိန်မှာတော့ ဒီဘကကျောင်းက ကလေး တွေမုန့်လေးတစ်ထုပ်လောက်ကိုစားပြီး ကျောင်းကသောက်ရေအိုးစင်ကရေကို သောက်ပြီး ဗိုက်ဖြည့်ကြရတာတွေရှိတယ်။ ကျွန်မတို့ထုပ်သွားတဲ့နေ့လယ်စာထမင်း ကတော့ ဘယ်တော့မှကောင်းကောင်းမစားရဘဲသူတို့လေးတွေကိုမျှဝေကျွေးရင်း ညနေအိမ်ပြန်ရောက်လို့ညစာစားမှသာကောင်းကောင်းမွန်မွန်စားရတော့တယ်။

                ဒါပေမဲ့ကျွန်မတို့ပျော်တယ်။ ကလေးတွေရဲ့အနာဂတ်ကိုတွေးရင်းနဲ့ပေါ့။ သူတို့မှာကံအကြောင်းမလှလို့ ဆင်းရဲတဲ့မိသားစုကပေါက်ဖွားလာပေမဲ့ ခုလိုဘုန်း တော်ကြီးသင်ပညာရေးကျောင်းတွေရှိလို့ သူတို့စာသင်ကြရတယ်။ စာတွေဖတ်တတ် ကြတယ်။ ဒီလိုကလေးတွေကိုအနစ်နာခံသင်လို့ ကျွန်မတို့အတွက်စီးပွားဖြစ်မသွား ဘူး။ ကျွန်မတို့ပန်းပင်လေးတွေကိုရေလောင်းပေးနေရသလိုခံစားရတယ်။ ပန်းပင် လေးတွေကပန်းပွင့်လေးတွေပွင့်လာရင် ကျွန်မတို့ဈေးကွက်တင်ရောင်းစားလို့မရပေ မဲ့ ပီတိတွေဖြစ်ရတယ်။ ဒါကကျွန်မတို့ဘကကျောင်းဆရာတွေရဲ့ခံစားချက်ပါပဲ။

ကျွန်တော်----- ကျေးဇူးတင်ပါတယ်ဆရာမရယ်။ ဆရာမတို့လိုပန်းပျိုးတဲ့လက်တွေ ရှိမှကျွန်တော်တို့နိုင်ငံတော်ကြီးဖွံ့ဖြိုးတိုးတက်လာမယ်။ တိုင်းပြည်မှာပညာတတ်တွေ ပေါမှ သူများနိုင်ငံတွေရဲ့ကြီးစိုးချယ်လှယ်မှုကိုမခံရတော့မှာပါ။ ကျွန်တော်တို့ဖင် အောက်မှာခုထိုင်နေတဲ့မြေကြီးထဲ၊ တောင်သူကြီးတွေထွန်ယက်စားသောက်နေတဲ့ မြေကြီးရဲ့အောက်မှာ သယံဇာတတွေရှိနေတာကို ကျွန်တော်တို့တစ်တွေနည်းပညာ အားနည်းလို့မသိခဲ့ကြဘူး။

                ဆရာမတို့လိုပန်းပျိုးတဲ့လက်တွေရှိမှသာ တိုင်းပြည်ရဲ့အနာဂတ်လူငယ် တွေအတွက်စိတ်အေးရမယ်လို့ကျွန်တော်ထင်မိပါကြောင်း ကျွန်တော်စကားတွေ ပြောခဲ့ဘူးတဲ့ ဘုန်းတော်ကြီးသင်ကျောင်းကဆရာမရဲ့လက်နဲ့ ပန်းပင်များပျိုးနိုင်ပါစေ လို့ဆုတောင်းရင်းပန်းပင်အားလုံးလည်းပန်းများပွင့်ကြပါစေ---------------------

နေ၀င်းဇော်(မြန်အောင်)

လက်ခုပ်သံများကြားပါစေ

စာရေးသူခုရက်ထဲစာပေဟောပြောပွဲ VCD တွေတော်တော်များများကြည့် ဖြစ်သည်။ စာရေးဆရာတော်တော်များများ၏    ဟောပြောမှုများကိုလည်းဂရုတစိုက် နားထောင်မိသည်။ ကောင်းကြသည်၊     ဗဟုသုတတွေ၊ ရသတွေ မြောက်များစွာကို ရသည်။ စာရေးသူအကြိုက်ဆုံးစာရေးဆရာနှစ်ယောက်ရဲ့     ဟောပြောမှုကိုဖုန်းထဲ တွင် MP3 ဖိုင်ထည့်ပြီးထားသည်အထိနားထောင်ဖြစ်သည်။       နိုင်ငံရေးတရားမပါ၊ တစ်ဖက်သတ်အပြောမပါ၊ ဟောပြောမှုက လူငယ်တွေ၊      လူလတ်ပိုင်းတွေနဲ့ မိဘ အရွယ်ရောက်သူတွေပါမကျန်      အားလုံးနှင့်အံဝင်ခွင်ကျဖြစ်သည့်ဟောပြောမှုများ ကြောင့်စာရေးသူ၏      နှလုံးသားတစ်နေရာတွင်စွဲထင်ကျန်ခဲ့သည့်ဟောပြောမှုများ ကြောင့်ဖြစ်သည်။

                   စာရေးသူက စာရေးဆရာတွေဝေဖန်တာမဟုတ်၊ အကြံပြုတာမဟုတ် ပါ။ သူတို့တစ်တွေဟောပြောခဲ့သောအကြောင်းအရာများကို ပြန်လည်မျှဝေခံစားခြင်း ဖြစ်သည်။ သူတို့သည်နိုင်ငံကျော်စာရေးဆရာများဖြစ်ကြသည်။    နိုင်ငံကျော်အောင် လုပ်နိုင်ခဲ့သော သူတို့၏အရည်အချင်းကိုစာရေးသူလေးစားဂုဏ်ယူမိသည်။   စာရေး သူကိုမေးစရာရှိသည်။   စာရေးဆရာနှစ်ယောက်ဟောပြောတာကိုတော့ကြိုက်တယ်၊ ဒါဆိုရင်   ကျန်တဲ့နိုင်ငံကျော်စာရေးဆရာတွေဟောပြောတာကိုရောမကြိုက်ဘူးလား လို့မေးစရာရှိသည်။ ကြိုက်သင့်တာကိုကြိုက်ပြီး မကြိုက်သင့်တာကိုမကြိုက်ပါ။

            စာတွေတော်တော်များများကိုစာရေးသူလက်လှမ်းမီသရွေ့ဖတ်သည်။ ဖတ် မိသမျှစာတွေအားလုံးစာရေးသူမကြိုက်ခဲ့ပါ။ တစ်ချို့စာများကိုတော့ နှုတ်ကထုတ်ပြီး ချီးမွမ်းခြင်းအထိဖြစ်ခဲ့ပြီးစာရေးသူကောင်းသည်ဟုလက်ခံသောစာများကိုစာရေးသူ၏ မိသားစု၊ မိတ်ဆွေ သူငယ်ချင်းများကိုပြန်လည်မျှဝေခံစားစေပါသည်။

           ဖတ်လိုက်ရသည့်စာပေက ခွန်အားကိုအမှန်တကယ်ဖြစ်စေသလား၊ ရသကို အမှန်တကယ်ပေးစွမ်းနိုင်သလား၊      စာဖတ်သူရဲ့အတွေးအခေါ်အယူအဆတွေကို ပြောင်းလဲသွားနိုင်သလားဆိုတာကို စာရေးသူတတ်သလောက်မှတ်သလောက်သုံး သပ်ကြည့်သည်။ တကယ်ကို ရသမြောက်သော၊ သုတအကြောင်းအရာများပြည့်စုံ ကောင်းမွန်သောစာအုပ်များကို စာရေးသူဖတ်မိပါက အကြိမ်အကြိမ်အခါခါပြန်ဖတ် မိသည်အထိစွဲလမ်းမိသည်။

         ထိုကဲ့သို့ကြိုက်သည့်စာအုပ်တွေကိုအကြိမ်ကြိမ်ဖတ်မိသောစာရေးသူသည် စာပေဟောပြောပွဲ MP3 ဖိုင်ကိုဖုန်းထဲထည့်ပြီး အကြိမ်ကြိမ်နားထောင်ဖြစ်သည်ဆို တာတော့ပြောပြစရာလိုတော့မည်မထင်ပါ။    တကယ်ကိုကြိုက်နှစ်သက်မိပါသော စာရေးဆရာနှစ်ယောက်ကတော့ စာရေးဆရာ လယ်တွင်းသားစောချစ်နှင့် စာရေး ဆရာအကြည်တော်ဖြစ်သည်။

         ဆရာလယ်တွင်းသားစောချစ်ဟောပြောသည့်အထဲမှ တောင်ငူတွင် ဘ၀မှစာ စာမှဘ၀ ခေါင်းစဉ်ဖြင့်ဟောပြောမှုဖြစ်သည်။   ဆရာက ဟာသဖြင့်ဟောပြောမှုကိုစ သည်။ ပြီးနောက်သူ့ဘ၀ဇာတ်ကြောင်းကိုတောမှာနေရသောဘ၀မှသည် ပညာတတ် ကြီးတစ်ဦးဖြစ်ခဲ့သည်အထိဖြတ်သန်းခဲ့ရပုံများကိုဟာသကလေးများနှောရင်း     ရသ မြောက်စွာဟောပြောခဲ့သည်။ သုတအဖြာဖြာကိုလည်းပေးခဲ့သည်။

                 ဆရာ၏ငယ်ဘ၀ တောကျောင်းလေးကလေးတန်းအောင်ခဲ့သောဆရာ မြို့ကျောင်းတွင် သချာင်္နှင့်သိပ္ပံဘာသာရပ်များ၊  အင်္ဂလိပ်စာများကိုမလိုက်နိုင်ခဲ့သော ဆရာ၊ ဆယ်တန်းမှာ ၀တ္ထုတစ်ပုဒ်ကိုဖတ်မိရင်း   ဆယ်တန်းမဖြေဘဲနေခဲ့ပုံများကိုရီစ ရာဖြင့်တစ်ဖုံ၊ လွမ်းမောစရာဖြင့်တစ်သွယ်တင်ပြဟောပြောခဲ့သည်။  ထို့နောက်ဆရာ ကြီးပီမိုးနင်း၏ စာများကိုဖတ်ရင်း ဘ၀အောင်မြင်ခဲ့ပုံ ၊    သူ၏မျိုးဆက်ဖြစ်သောသား သမီးများကို သူ့ဘ၀အတွေ့အကြုံနှင့်ယှဉ်ကာ ပြုစုပျိုးထောင်ခဲ့ပုံတို့ကို စီကာစဉ်ကာ ပြောပြရင်း စာချစ်သူပရိသတ်ကိုဖမ်းစားနိုင်ခဲ့သည်။

               ဆရာရဲ့ဟောပြောမှုကိုတစ်ကြိမ်နားထောင်မိပြီးလျှင် ဆရာပြောသလိုမိုး ကိုဒူးနှင့်တိုက်ချင်လောက်အောင်ဖြစ်ခဲ့သည်။    မိမိအသက်မွေးဝမ်းကြောင်းလုပ်ငန်း ခွင်မှာပဲဖြစ်ဖြစ်၊ မိမိမျိုးဆက်တွေဖြစ်တဲ့ သားသမီး၊ တူ ၊ တူမတွေပဲဖြစ်ဖြစ်ဆရာပြော တာတွေကိုစံနမူနာအဖြစ်ပြန်ပြောပြရင်း ဆုံးမနိုင်ခဲ့သည်။ ဆရာရဲ့ဟောပြောမှုကိုနား ထောင်မိသောတောင်သူက စပါးကိုနှစ်ဆထွက်အောင်လုပ်ချင်လာသည်။ နံနက်အိပ် ရာစောစောမထသူများက စောစောနိုးထလာကြသည်။ စာရေးသူတို့လိုစာရေးသူများ ကစာများများဖတ်ဖြစ်လာသလို စာများများရေးဖြစ်လာသည်။  ကျောင်းသားကျောင်း သူများက ပညာရေးကိုပိုပြီးအာရုံစိုက်လာကြသည်။   ဆရာကုသိုလ်တွေအများကြီးရ သွားတယ်လို့စာရေးသူခံစားမိသည်။

               နောက်တစ်ယောက်ဖြစ်တဲ့ဆရာအကြည်တော်ကလည်း လမင်းဖမ်းပွဲဆို သည့်ကိုယ်တိုင်ရေးပုံပြင်လေးကိုပြောပြသွားသည်။    စာရေးသူရင်ထဲတွင်နာကျင်မှု ဝေဒနာနှင့်အတူ ပုံပြင်ထဲက ကလေးငယ်လေးလိုဘယ်လောက်ပဲ ဘ၀မှာကြမ်းတမ်း ပင်ပန်းမှုတွေများနေပါစေ ၊ အခက်အခဲတစ်ခုကြုံလာတိုင်းခွန်အားတစ်ခုထပ်တိုးလာ တယ်လို့ခံစားခဲ့ရသည်။

                 ဆရာပေးချင်တဲ့မက်ဆေ့ခ်ျကိုတော့ စာရေးသူဥာဏ်မီသလောက်တွေး ကြည့်ပါသည်။  တွေးကြည့်သည့်ပုံပြင်ထဲကအကြောင်းအရာကိုအနည်းငယ်တင်ပြပါ မည်။ အင်မတန်လောဘကြီးတဲ့ဘုရင်ကြီးက   လမင်းကြီးကိုညဖက်မှာ တိုင်းသူပြည် သားတွေခိုးကြည့်မှာစိုးလို့စိုးရိမ်နေပုံကိုလည်း ပုံဖော်ပြောပြသည်။ စာရေးသူ ကလေး နေရာကနေပြီး ဆရာလို့အတွေးမျိုးမရခဲ့ပါ။     ဆရာတော်တော်အတွေးကောင်းစိတ် ကူးကောင်းပါသည်။

                   ပုံပြင်ထဲကဘုရင်ကြီးကတော့ ပုံပြင်ထဲမှာလူဆိုးကြီးဖြစ်သည်။ စာရေး သူဘုရင်ကြီးနေရာကလည်းဝင်ခံစားမိသည်။    ဘုရင်ကြီးလုပ်လိုက်လို့ကလေးလေး မျက်စေ့ကန်းသွားပေမဲ့ ကလေးအတွက်တော့    ဘုရင်ကြီးရဲ့လုပ်ရပ်ကြောင့်ခွန်အား များတစ်ခုပြီးတစ်ခုတိုးသွားတယ်လို့ခံစားမိသည်။  တစ်ချို့ရှိသည်။ ငယ်ငယ်ကအနှိမ် ခံခဲ့ရပြီး ဘ၀ကိုမခံချင်လွန်း၍တိုးတက်အောင်လုပ်ခဲ့ရာ      ကြီးပွားပြီးသူဌေးကြီးဖြစ် သွားသူများရှိခဲ့သည်။ 

                ကောင်းကင်ကလမင်းကြီးကိုမော့မကြည့်ရတဲ့ကလေးဟာသူ့ရဲ့အရွယ်နဲ့ လမင်းကြီးကိုစွဲလမ်းနှစ်သက်စွာရေခွက်ကလေးထဲမှာထည့်ပြီးကြည့်ခဲ့တယ်။   ဘုရင် ကြီးက ရေခွက်ကိုသွန်ပစ်လိုက်တော့ ရေကန်ဆီကိုပြေးကြည့်သည်။   ရေကန်ဆီထဲ ကလမင်းကြီးကိုကြည့်တဲ့ကလေးကို လမင်းကြီးကိုဘ၀တစ်သက်လုံးမမြင်နိုင်အောင် ကလေးရဲ့မျက်လုံးတွေကိုဘုရင်ကြီးဖောက်ထုတ်ပစ်လိုက်သည်။ နောက်ဆုံးမျက်လုံး များမမြင်တော့ ဘယ်လိုများကလေးလုပ်ဦးမလဲလို့    ဆက်တွေးနေမိသည့်စာရေးသူ ကလေးရဲ့ပြောလိုက်တဲ့စကားလေးကိုဆရာအကြည်တော်က   ၀မ်းနည်းသံလေးဖြင့် ပြောပြသည်။ ကျေးဇူးတင်ပါတယ်ဘုရင်ကြီးရယ်၊    အရင်မျက်စေ့မြင်တုန်းကဆိုရင် လမင်းကြီးကိုမြင်ရဖို့ နေ့ဖက် ၁၂နာရီစောင့်ရတယ်။    ညဖက်ကျမှကြည့်ရတယ်။ ဒါ တောင်နေ့တိုင်းလိုလိုလမင်းကြီးကအပြည့်မသာဘူးတဲ့။  ခုတော့ဘုရင်ကြီးကျေးဇူးနဲ့ ကျွန်တော်ရဲ့ခေါင်းထဲမှာလမင်းကြီး   အမြဲတမ်းသာနေပါပြီလို့ပြောလိုက်တာကိုခံစား ခဲ့ရသည်။ ရသမြောက်သောအတွေးအခေါ်    စာပေမှ သုတတွေကိုပေးလိုက်ခြင်းလို့ စာရေးသူခံစားမိခဲ့သည်။

            ဆရာရဲ့ဟောပြောချက်ကိုနားထောင်မိသည့်စာရေးသူဟာ ဘ၀မှာဘယ်လို အခက်အခဲမျိုးနဲ့ကြုံကြုံ အကောင်းဆုံးအနေအထားမှာ အကောင်းဆုံးဖြစ်အောင်နေ ထိုင်ပြီးကြိုးစားသွားရမယ်လို့တွေးမိလိုက်ပါတယ်။  ဆရာအကြည်တော်ကတော့ခဲတံ နဲ့ ခဲတံချွန်စက်ဥပမာလေးနဲ့ဟောပြောမှုကိုအဆုံးသတ်ခဲ့ပါတယ်။

                ဟောပြောပွဲအပြီးမှာ ရောအစအလယ်အဆုံးမှာရော စာချစ်သူပရိသတ် ကလက်ခုပ်သံဖြင့် ဟောပြောသူစာရေးဆရာများကိုဂုဏ်ပြုကြသည်။        စာရေးသူ လည်းစာပေဟောပြောပွဲတွေမှာလက်ခုပ်တီးပြီးအားပေးပါသည်။ လက်ခုပ်တီးပြီးအား ပေးတာက ဂုဏ်ပြုတာဖြစ်သည်။ စာရေးသူမှာ     အကြောင်းမဲ့ဂုဏ်ပြုချင်စိတ်မရှိပါ။ စာရေးသူအကြိုက်ဆုံးစာရေးဆရာများဖြစ်တဲ့ ဆရာလယ်တွင်းသားစောချစ်နဲ့ ဆရာ အကြည်တော်တို့ဟောပြောမှုကိုတော့ အပြင်မှာမကြားရသေးပါ။      အသံဖိုင်ကိုနား ထောင်ပြီး နှလုံးသားထဲကနေ   ဆရာတို့ကိုလက်ခုပ်တီးပြီးဂုဏ်ပြုလိုက်တာကိုဆရာ တို့ကြားပါစေ။  

                    ။

နေ၀င်းဇော်(မြန်အောင်)